വിവേക് എക്സ്പ്രസ്സിൽ നിന്നും ഇറങ്ങിയോടിയ കഞ്ചാവ് കടത്തുകാരനെ റെയിൽവേ പോലീസും എക്സൈസും ചേർന്ന് പ്ലാറ്റുഫോമിൽ നിന്ന് പിടികൂടി.

പാലക്കാട്‌ : വിവേക് എക്സ്പ്രസ്സിൽ നിന്നും ഇറങ്ങിയോടിയ കഞ്ചാവ് കടത്തുകാരനെ റെയിൽവേ പോലീസും എക്സൈസും ചേർന്ന് പ്ലാറ്റുഫോമിൽ നിന്ന് പിടികൂടി. പാലക്കാട് ജംഗ്ഷൻ റയിൽവേ സ്റ്റേഷനിൽ ആണ് സംഭവം. സിസിലിയ പൈക എന്ന് പേരുള്ള ഒഡിഷ സ്വദേശിയാണ് പിടിയിലായത്.  5.3 കിലോഗ്രാം കഞ്ചാവ് ഇയാളിൽ നിന്നും കണ്ടെടുത്തു. ഉടമസ്ഥനില്ലാത്ത നിലയിൽ 450 ഗ്രാം ചരസ്, 1 കി.ഗ്രാം കഞ്ചാവ് എന്നിവയും ഇന്നലെ നടന്ന സംയുക്ത പരിശോധനയിൽ കണ്ടെടുത്തിട്ടുണ്ട്. പാലക്കാട് റെയിഞ്ച് ഇൻസ്‌പെക്ടറുടെ സംഘവും റെയിൽവേ പോലീസും ചേർന്നാണ് പരിശോധനകൾ നടത്തിയത്.