നിരവധി ക്രിമിനൽ കേസുകളിൽ പ്രതിയായ ആളെ കാപ്പ ചുമത്തി നാടുകടത്തി; നിരന്തരം സാമൂഹ്യവിരുദ്ധ പ്രവർത്തനങ്ങൾ നടത്തിവരുന്നവർക്കെതിരെയും ജനങ്ങളുടെ സമാധാന ജീവിതത്തിന് തടസ്സം നിൽക്കുന്നവരെയും നിരീക്ഷിച്ച് കണ്ണൂർ സിറ്റി പോലീസ് കമ്മീഷണറുടെ നേതൃത്വത്തിൽ ശക്തമായ നടപടികളാണ് സ്വീകരിച്ച് വരുന്നുണ്ട്. 25
കണ്ണൂർ : നിരവധി ക്രിമിനല് കേസുകളില് പ്രതിയായ ആളെ കേരള സാമൂഹ്യ വിരുദ്ധ പ്രവര്ത്തനങ്ങള് തടയല് നിയമം കാപ്പ(KAAPA) നിയമ പ്രകാരം നാടുകടത്തി. തലശ്ശേരി തിരുവങ്ങാട് സ്വദേശി ജിതിൻ സി (25) നെയാണ് നാടുകടത്തിയത്. ഇയാൾക്കെതിരെ തലശ്ശേരി പോലീസ് സ്റ്റേഷനിൽ സംഘം ചേർന്ന് തടഞ്ഞു വെച്ച് ദേഹോപദ്രപം ഏൽപ്പിച്ചതിനും , സ്ഫോടക വസ്തു കൈവശം വെച്ചതിനും , ദേഹോപദ്രപം ഏൽപ്പിച്ച് കവർച്ച നടത്തിയതിനും മൂന്ന് കേസുകൾ നിലവിലുണ്ട് . കണ്ണൂര് സിറ്റി പോലീസ് കമ്മീഷണര് അജിത് കുമാർ ഐ.പി.എസിന്റെ റിപ്പോര്ട്ടിന്റെ അടിസ്ഥാനത്തില് കണ്ണൂര് റേഞ്ച് ഡി ഐ ജി തോംസൺ ജോസ് ഐ.പി.എസ് ഉത്തരവ് പ്രകരമാണ് നാടുകടത്തല് നടപടി. കണ്ണൂര് ജില്ലയില് പ്രവേശിക്കുന്നതിനും ജില്ലയില് ഏതെങ്കിലും തരത്തിലുള്ള പ്രവര്ത്തനങ്ങളില് ഏര്പ്പെടുന്നതില് നിന്നും ഇയാളെ ഒരു വർഷത്തേക്ക് തടഞ്ഞുകൊണ്ടാണ് ഉത്തരവായത്. ഉത്തരവ് ലംഘിച്ച് ജില്ലയിൽ പ്രവേശിച്ചാൽ റിമാൻഡ് ചെയ്യുന്നതടക്കമുള്ള നിയമ നടപടി സ്വീകരിക്കും. നിരന്തരം സാമൂഹ്യവിരുദ്ധ പ്രവർത്തനങ്ങൾ നടത്തിവരുന്നവർക്കെതിരെയും ജനങ്ങളുടെ സമാധാന ജീവിതത്തിന് തടസ്സം നിൽക്കുന്നവരെയും നിരീക്ഷിച്ച് കണ്ണൂർ സിറ്റി പോലീസ് കമ്മീഷണറുടെ നേതൃത്വത്തിൽ ശക്തമായ നടപടികളാണ് സ്വീകരിച്ച് വരുന്നുണ്ട്.
Comments