ഇബ്രാഹിം വെങ്ങരക്ക് ആദരവ്.
കണ്ണൂർ: ഹരിതം ചരിത്ര പഠന കേന്ദ്രം നടത്തിയ സി.എച്ച് സ്മൃതിയോടനുബന്ധിച്ച്
യുഗപ്രഭാവനായ സി എച്ച്.മുഹമ്മദ് കോയ സാഹിബിന്റെ ചരിത്രം തലമുറക്ക് പകർന്നു നൽകിയ പ്രഗത്ഭരെ ആദരിക്കുന്നതിന്റെ ഭാഗമായി സി.എച്ച് എഴുതിയ 'വഴിയമ്പലം' എന്ന ലഘുനാടകത്തിനു ദൃശ്യാവിഷ്കാരം നൽകി രംഗത്ത് അവതരിപ്പിച്ച പ്രശസ്ത നാടകാചാര്യൻ ഇബ്രാഹിം വെങ്ങരയെ അദ്ദേഹത്തിന്റെ വസതിയിൽ വെച്ച് ഹരിതം ചരിത്ര പഠന കേന്ദ്രം പ്രവർത്തകർ ആദരവ് സമർപ്പിച്ചു. ഗ്ലോബൽ കെ.എം.സി.സി. കണ്ണൂർ ജില്ല പ്രസിഡണ്ട് ടി.പി. അബ്ബാസ് ഹാജി ഷാളണിയിച്ചു. കണ്ണൂർ ജില്ല പഞ്ചായത്ത് അംഗം എസ്.കെ. ആബിദ ടീച്ചർ ബഹുമതി പത്രം സമർപ്പിച്ചു. ചടങ്ങിൽ ഹരിതം ചരിത്ര പഠന കേന്ദ്രം വർക്കിംഗ് ചെയർമാൻ അശ്റഫ് ബംഗാളി മുഹല്ല, ജനറൽ കൺവീനർ ഒ.കെ. സമദ്, കൺവീനർ എസ്.എൽ.പി. മുഹമ്മദ് കുഞ്ഞി, കെ.വി. ഇബ്രാഹിം കുട്ടി, ഉപേന്ദ്രൻ ശ്രീരാഗം, എസ്.എ.പി. മൂസാൻ, ബി.എസ്. മഹമൂദ് വി.പി.മുഹമ്മദലി മാസ്റ്റർ, മഹമൂദ് മാട്ടൂൽ എന്നിവർ പങ്കെടുത്തു.
Comments