കാഞ്ഞങ്ങാടും പരിസര പ്രദേശങ്ങളിലും മയക്കു മരുന്ന് മൊത്തവിതരണം ചെയ്യുന്ന പ്രതി പിടിയിൽ; കാപ്പ പ്രകാരം കണ്ണൂർ സെൻട്രൽ ജയിലിൽ തടവിൽ ആയിരുന്ന പ്രതി മാസങ്ങൾക്കു മുൻപാണ് പുറത്തിറങ്ങിയത്.

കാസർക്കോട് : കാഞ്ഞങ്ങാടും പരിസര പ്രദേശങ്ങളിലും മയക്കു മരുന്ന് മൊത്തവിതരണം ചെയ്യുന്ന പ്രതിയെ പോലീസ് പിടികൂടി. കാഞ്ഞങ്ങാട് ഞാണിക്കടവ് അഫ്സൽ മൻസിൽ അർഷാദ് അബ്ദുള്ള (33) യെയാണ് കാസർക്കോട് ജില്ലാ പോലീസ് മേധാവി പി. ബിജോയ്‌ ഐ.പി.എസിന്റെ നിർദ്ദേശപ്രകാരം കാഞ്ഞങ്ങാട് ഡി.വൈ.എസ്.പി. പി ബാലകൃഷ്ണൻ നായർ, ഇൻസ്‌പെക്ടർ കെ.പി ഷൈൻ, എസ്.ഐ സതീശൻ എന്നിവരുടെ നേതൃത്വത്തിൽ പിടികൂടിയത്. പോലീസ് നടത്തിയ പരിശോധനയിൽ 27 ഗ്രാം എം.ഡി.എം.എയുമായി അതിഞ്ഞാലിൽ വെച്ച് കെ.എൽ 14 വൈ 4131 എന്ന കാറിൽ നിന്നാണ് എം.ഡി.എം.എ സഹിതം ഇയാളെ പിടികൂടിയത്. പ്രതിക്കെതിരെ ഹോസ്ദുർഗ്, പയ്യന്നൂർ എന്നീ പോലീസ് സ്റ്റേഷനുകളിൽ ഒന്നിൽ കൂടുതൽ മയക്കു മരുന്ന് കേസുകൾ ഉണ്ടെന്ന് പോലീസ് പറഞ്ഞു. കാപ്പ പ്രകാരം കണ്ണൂർ സെൻട്രൽ ജയിലിൽ തടവിൽ ആയിരുന്ന പ്രതി മാസങ്ങൾക്കു മുൻപാണ് പുറത്തിറങ്ങിയത്. പോലീസ് സംഘത്തിൽ ഇൻസ്‌പെക്ടർ പ്രേംസദൻ, എസ്.ഐ വിശാഖ്, പോലീസുകാരായ ഗിരീഷ്, ദിലീഷ്, ജ്യോതിഷ് കിഷോർ, ഷൈജു പ്രണവ്, ഷിജിത് എന്നിവർ ഉണ്ടായിരുന്നു.

- ന്യൂസ്‌ ഓഫ് കേരളം, കാസർക്കോട് ബ്യൂറോ.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW