ചെറുകാവിൽ കഴിഞ്ഞ മാസം എം.ഡി.എം.എ. പിടികൂടിയ സംഭവവുമായി ബന്ധപ്പെട്ട കേസിലെ പ്രധാനകണ്ണിയായ കോഴിക്കോട് സ്വദേശിയെ ബെംഗളൂരുവിൽ നിന്ന് മലപ്പുറം പോലീസ് പിടികൂടി: ബെംഗളൂരു കേന്ദ്രീകരിച്ച് കേരളത്തിലേക്ക് ലഹരിമരുന്ന് കടത്തുന്ന സംഘത്തിലെ പ്രധാനിയാണ് അറസ്റ്റിലായത്. News

മലപ്പുറം : ചെറുകാവിൽ കഴിഞ്ഞ മാസം എം.ഡി.എം.എ. പിടികൂടിയ സംഭവവുമായി ബന്ധപ്പെട്ട കേസിലെ പ്രധാനകണ്ണിയായ കോഴിക്കോട് സ്വദേശിയെ ബെംഗളൂരുവിൽ നിന്ന് മലപ്പുറം പോലീസ് പിടികൂടി. ബെംഗളൂരു കേന്ദ്രീകരിച്ച് കേരളത്തിലേക്ക് ലഹരിമരുന്ന് കടത്തുന്ന സംഘത്തിലെ പ്രധാനിയാണ് അറസ്റ്റിലായത്. ജില്ലാ പോലീസ് മേധാവി എസ്. ശശിധരൻ ഐപിഎസിന്റെ നിർദേശപ്രകാരം ബെംഗളൂരു കൊത്തന്നൂരിലെ ഒളിത്താവളത്തിൽ നിന്നാണ് കഴിഞ്ഞദിവസം രാത്രി കൊണ്ടോട്ടി ഇൻസ്പെക്ടർ ദീപകുമാറിന്റെ നേതൃത്വത്തിലുള്ള സംഘം ഇയാളെ പിടികൂടിയത്. കാറിൽ കടത്തുകയായിരുന്ന 36.74 ഗ്രാം എം.ഡി.എം.എ.യുമായി ചാലിയം സ്വദേശി വലിയകത്ത് മുഹമ്മദ് മുസ്‌തഫയെ ഫെബ്രുവരി രണ്ടിന് ചെറുകാവിൽവെച്ച് പോലീസ് പിടികൂടിയിരുന്നു. ഇതുമായി ബന്ധപ്പെട്ട അന്വേഷണത്തിലാണ് കേരളത്തിലേക്ക് ലഹരി കടത്തുന്ന ഷാരോൺ ഉൾപ്പെട്ട സംഘത്തെക്കുറിച്ച് വിവരം ലഭിച്ചത്. ഷാരോണിനെ കഴിഞ്ഞവർഷം ബെംഗളൂരു പോലീസ് 40 ഗ്രാം എം.ഡി.എം.എ.യുമായി പിടികൂടിയിരുന്നു. ആറുമാസം മുൻപാണ് ജാമ്യത്തിൽ ഇറങ്ങിയത്.

പ്രതിയെ റിമാൻഡ്‌ ചെയ്തു.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW