മഞ്ചേരിയിൽ നിന്നും ആലുവയിലേക്ക് കാറിൽ കഞ്ചാവ് കടത്താൻ ശ്രമിക്കവെ 48.2 കിലോഗ്രാം കഞ്ചാവുമായി ഒരാൾ പിടിയിൽ.

മഞ്ചേരിയിൽ 48.2 കിലോഗ്രാം കഞ്ചാവുമായി ഒരാൾ പിടിയിൽ. എക്സൈസ് കമ്മീഷണർ സ്‌ക്വാഡും മഞ്ചേരി എക്സൈസ് റേഞ്ചും സംയുക്തമായി നടത്തിയ പരിശോധനയിൽ മഞ്ചേരി നെല്ലിപ്പറമ്പിൽ വച്ചാണ് കഞ്ചാവ് പിടികൂടിയത്. മഞ്ചേരിയിൽ നിന്നും ആലുവയിലേക്ക് കാറിൽ കടത്താൻ കഞ്ചാവ് കടത്താൻ ശ്രമിക്കവെയാണ് ആനക്കയം ചേപ്പൂർ സ്വദേശി മുഹമ്മദലി ശിഹാബുദ്ദീൻ പിടിയിലായത്.ഇയാളുടെ സംഘത്തിലെ മറ്റു ആളുകളെക്കുറിച്ച് സൂചന ലഭിച്ചിട്ടുണ്ട് അവർക്കായുള്ള അന്വേഷണം ആരംഭിച്ചു. കമ്മീഷണർ സ്‌ക്വാഡ് ഇൻസ്പെക്ടർ ടി. ഷിജുമോൻ നൽകിയ വിവരത്തിന്റെ അടിസ്ഥാനത്തിലായിരുന്നു കേസ് എടുത്തത്. 

മഞ്ചേരി റേഞ്ച് എക്സൈസ് ഇൻസ്പെക്ടർ എൻ. നൗഫൽ, കമ്മീഷണർ സ്‌ക്വാഡ് അംഗങ്ങളായ പ്രിവന്റ്റ്റീവ് ഓഫീസർ കെ.പ്രദീപ് കുമാർ, പ്രിവന്റ്റ്റീവ് ഓഫീസർ (ഗ്രേഡ് ) കെ. എസ് അരുൺകുമാർ, സിവിൽ എക്സൈസ് ഓഫീസർമാരായ നിതിൻ ചോമാരി, അഖിൽദാസ്, അരുൺ പറോൽ, സച്ചിൻ ദാസ് . വി മഞ്ചേരി എക്സൈസ് റേഞ്ച് ഓഫീസിലെ അസിസ്റ്റന്റ് എക്സൈസ് ഇൻസ്പെക്ടർ (g) ശിവപ്രകാശ്, പ്രിവന്റീവ് ഓഫീസർ (ഗ്രേഡ് ) സതീഷ് ടി. കെ സിവിൽ എക്സൈസ് ഓഫീസർമാരായ ഹരീഷ് ബാബു, ഷബീർ മൈത്ര, ടി സുനീർ, ടി ശ്രീജിത്ത് വനിത സിവിൽ എക്സൈസ് ഓഫീസർമാരായ ആതിര, രേവതി എക്സൈസ് ഡ്രൈവർ സവാദ് നാലകത്ത് എന്നിവർ പാർട്ടിയിൽ പങ്കെടുത്തു.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW