പള്ളിക്കുളത്തെ ഒരു തറവാട് അമ്പലത്തിലെ കഴകപ്പുരയിൽ നിന്ന് പഴയ വിളക്കുകൾ മോഷ്ടിച്ച തമിഴ്നാട് സ്വദേശി വളപട്ടണം പോലീസിന്റെ പിടിയിൽ.

കണ്ണൂർ : പള്ളിക്കുളത്തെ ഒരു തറവാട് അമ്പലത്തിലെ കഴകപ്പുരയിൽ നിന്ന് പഴയ വിളക്കുകൾ മോഷ്ടിച്ച തമിഴ്നാട് സ്വദേശി വളപട്ടണം പോലീസിന്റെ പിടിയിൽ. തമിഴ്നാട് തിരുനെൽവേലി തിരുട്ടു ഗ്രാമം സ്വദേശി മുരുകൻ കാളിമുത്തു (46) ആണ് വളപട്ടണം സി ഐ ടിപി സുമേഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കഴിഞ്ഞദിവസം ആഗസ്റ്റ് 15-നായിരുന്നു കേസിനാസ്പദമായ സംഭവം. വ്യാഴാഴ്ച രാവിലെ പതിനൊന്നര മണി മുതൽ ഒന്നര മണിക്കുള്ളിൽ ആയിരുന്നു സംഭവം. നിരവധി സിസിടിവി ക്യാമറകൾ പരിശോധിച്ചതിന്റെ ഭാഗമായി ഒരാൾ സാധനങ്ങൾ എടുത്തു പോകുന്നതായി കാണുകയും തുടർന്ന് നടത്തിയ പരിശോധനയിൽ നേരത്തെ മോഷണ കേസുകളിലെ പ്രതിയായ മുരുകൻ ആണെന്ന് മനസ്സിലാക്കിയ പോലീസ് ഇന്നലെ പ്രതിയെ കസ്റ്റഡിയിലെടുക്കുകയായിരുന്നു. ടി സി ഗേറ്റിന് അടുത്തുള്ള ഒരു ആക്രിക്കടയിൽ സാധനം പ്രതി വിറ്റിട്ടുണ്ട്. വളപട്ടണം ഇൻസ്പെക്ടർ ടി. പി സുമേഷിന് പുറമെ എസ്. ഐ വിപിൻ ടി. എം, എ. എസ്. ഐ ഷാജി, സി. പി. ഒ കിരൺ എന്നിവരുടെ നേതൃത്വത്തിലുള്ള പോലീസ് സംഘമാണ് പ്രതിയെ പിടികൂടിയത്. 

- ന്യൂസ്‌ഓഫ്കേരളം, കണ്ണൂർ.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW