ദുബൈ കെ.എം.സി.സി കണ്ണൂർ മണ്ഡലം ‌കമ്മിറ്റിയുടെ കീഴിൽ വെൽഫയർ സ്കീം ക്യാമ്പയിനും പ്രവർത്തക കൺവെൻഷനും നടത്തി.

ദുബൈ കെ.എം.സി.സി കണ്ണൂർ മണ്ഡലം ‌കമ്മിറ്റിയുടെ കീഴിൽ വെൽഫയർ സ്കീം ക്യാമ്പയിന്റെയും പ്രവർത്തക കൺവെൻഷന്റെയും ഉദ്ഘാടനം ദുബൈ കെഎംസിസി കണ്ണൂർ ജില്ലാ പ്രസിഡന്റ് സൈനുദ്ധീൻ ചേലേരി ‌നിർവഹിക്കുന്നു

ദുബൈ : ദുബൈ കെ.എം.സി.സി കണ്ണൂർ മണ്ഡലം ‌കമ്മിറ്റിയുടെ കീഴിൽ വെൽഫയർ സ്കീം ക്യാമ്പയിനും പ്രവർത്തക കൺവെൻഷനും നടത്തി. ദുബൈ കെ.എം.സി.സി കണ്ണൂർ മണ്ഡലം പ്രസിഡണ്ട് മൊയ്തു മഠത്തിലിന്റെ അധ്യക്ഷതയിൽ ദുബൈ കെഎംസിസി കണ്ണൂർ ജില്ലാ പ്രസിഡന്റ് സൈനുദ്ധീൻ ചേലേരി  ‌ഉദ്ഘാടനം ചെയ്തു.സംസ്ഥാന വെൽഫയർ കമ്മിറ്റി വൈസ് ചെയർമാൻ ഒ.മൊയ്തു മുഖ്യപ്രഭാഷണം നടത്തി. വെൽഫയർ സ്കീം പദ്ധതിയുടെ ഗുണ വിവരങ്ങൾ മുഖ്യപ്രഭാഷകൻ വിശദീകരിച്ചു. കണ്ണൂർ ജില്ലാ വെൽഫയർ ചെയർമാനും മണ്ഡലം നിരീക്ഷകനുമായ റഫീഖ് പി.കെ, ജില്ലാ വെൽഫയർ ജനറൽ കൺവീനർ അലി ഉളിയിൽ എന്നിവർ മുഖ്യാഥിതികളായിരുന്നു. ദുബായ് കെ.എം.സി.സി സംസ്ഥാന ജോയിന്റ് സിക്രട്ടറി അബ്ദുൽ ഖാദർ അരിപ്പാബ്ര ‌ഉൽബോധന പ്രസംഗത്തിലൂടെ നിലവിലെ രാഷ്ട്രീയ സാഹചര്യത്തിൽ സംഘടയുടെ പ്രാധാന്യവും സാമൂഹത്തിൽ നമ്മുടെ സ്വീകാര്യതയും സദസ്സിനെ ഓർമ്മിപ്പിച്ചു. ദുബൈ കെഎം.സി.സി ജില്ലാ ജന. സെക്രട്ടറി, റഹ്‌ദാദ് മൂഴിക്കര‌, സെക്രട്ടറി മുനീർ ഐകൊടിച്ചി, കണ്ണൂർ മണ്ഡലം സെക്രട്ടറി റിസാൽ മഠത്തിൽ, ആഷിഖ് മുക്കണ്ണി, വെൽഫയർ കൺവീനർ അർഷിൽ ആയിക്കര, മണ്ഡലം വനിതാ വിംഗ് പ്രസിഡന്റ് ഇർഫാന മൊയ്തു തുടങ്ങിയവർ സംസാരിച്ചു. മണ്ഡലം ഭാരവാഹികളായ നിഹ്മത്തുല്ല അറക്കൽ, മുഷ്ത്താഖ് വാരം, റാഷിദ് സി, മുഹമ്മദ്‌ തൻവീർ, ഷംഷാജ് പുറത്തീൽ, റിയാസ് വാരം, വുമൺസ് വിംഗ് ഭാരവാഹികളായ ശഹദ റാഷിദ്, അനീസ ഷഫീക്, സഹറ സുബൈർ തുടങ്ങിയവർ നേതൃത്വം നൽകിയ പരിപാടിയിൽ മുഹമ്മദ് അയാസ് തായത്ത് സ്വാഗതവും ടി.സി നാസർ നന്ദിയും പറഞ്ഞു.