സഹകരണ മേഖലയെ സമ്പൂർണ്ണ തകർച്ചയിലേക്ക് തള്ളിവിടുന്നത് സിപിഐഎമ്മും സർക്കാരുമെന്ന് ബിജെപി സംസ്ഥാന അധ്യക്ഷൻ കെ സുരേന്ദ്രൻ. പ്രശ്നങ്ങൾ പരിഹരിക്കാൻ സർക്കാരും പാർട്ടിയും ശ്രമിച്ചിരുന്നെങ്കിൽ ഇത്രയും പ്രതിസന്ധിയിലേക്ക് മാറുമായിരുന്നില്ല. സഹകരണ ബാങ്കുകളിൽ നിന്ന് എങ്ങനെയെങ്കിലും മാറിയാൽ മതി എന്നാണ് സാധാരണക്കാർ ചിന്തിക്കുന്നത്. നോട്ട് നിരോധനത്തിൽ സഹകരണ ബാങ്കുകളെ ഉപയോഗിച്ച് കള്ളപ്പണം വെളുപ്പിച്ചു. സഹസ്ര കോടിയുടെ കള്ളപ്പണമാണ് കരുവന്നൂരിൽ ഉപയോഗിക്കപ്പെട്ടത്.
മുഖ്യമന്ത്രിയും പാർട്ടി സെക്രട്ടറിയും അന്വേഷണ ഏജൻസികളെ ഉപയോഗിച്ച് ബിജെപി സഹകരണ മേഖലയെ തകർക്കുന്നു എന്ന് പറയുന്നുവെന്നും കേരളത്തിൽ കള്ളപ്പണ ഇടപാടുകൾക്ക് വേണ്ടി സഹകരണ മേഖലയെ ഉപയോഗപ്പെടുത്തുന്നുവെന്നും അദ്ദേഹം പറഞ്ഞു.
Comments