ഐ ടി ഐ ക്യാമ്പസിലെ അക്രമത്തിനെതിരെ പ്രതിഷേധമിരമ്പി; കണ്ണൂർ ജില്ലയിലെ ക്യാമ്പസുകളിൽ വിദ്യാഭ്യാസ ബന്ദ് പൂർണ്ണം.

ഐ ടി ഐ ക്യാമ്പസിലെ അക്രമത്തിൽ പരിക്കേറ്റ കെ എസ് യു യൂണിറ്റ് പ്രസിഡന്റ്‌ റിബിൻ സി എച്ചിനെ കെ എസ് യു സംസ്ഥാന പ്രസിഡന്റ്‌ അലോഷ്യസ് സേവ്യർ സന്ദർശിക്കുന്നു.
കെ എസ് യു ജില്ലാ പ്രസിഡന്റ്‌ എം സി അതുൽ, സംസ്ഥാന വൈസ് പ്രസിഡന്റ്‌ പി മുഹമ്മദ്‌ ഷമ്മാസ്, സംസ്ഥാന ജനറൽ സെക്രട്ടറി ഫർഹാൻ മുണ്ടേരി എന്നിവർ സമീപം.

കണ്ണൂർ : ഐ ടി ഐ ക്യാമ്പസ്സിൽ ജനാധിപത്യം ഉറപ്പാക്കാൻ പ്രിൻസിപ്പലടക്കം ഇടപെടണമെന്ന് ആവശ്യപ്പെടാൻ ചെന്ന കെ എസ് യു പ്രവർത്തകരെ ആക്രമിച്ചതിൽ പ്രതിഷേധിച്ച് കെ എസ് യു ജില്ലാ കമ്മിറ്റി ആഹ്വാനം ചെയ്ത വിദ്യാഭ്യാസ ബന്ദ് പൂർണ്ണമെന്ന് കെ എസ് യു. പ്രിൻസിപ്പലിന്റെയടക്കം അധികാരികളുടെ നിരുത്തരവാദ സമീപനമാണ് ഇത്തരം അക്രമങ്ങളിലേക്ക് ഐ ടി ഐ ക്യാമ്പസിനെ കൊണ്ട് പോകുന്നതെന്നും അക്രമങ്ങൾക്ക് നേതൃത്വം കൊടുക്കുന്ന എസ് എഫ് ഐ പ്രവർത്തകരെ കോളേജിൽ നിന്നും സസ്പന്റ് ചെയ്ത് കോളേജിലെ സമാധാനന്തരീക്ഷം പുനസ്ഥാപിക്കണമെന്നും കെ എസ് യു ജില്ലാ പ്രസിഡന്റ്‌ എം സി അതുൽ ആവശ്യപ്പെട്ടു.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW