കണ്ണൂർ താവക്കരയിലെ അനധികൃത കെട്ടിട നിർമ്മാണം: ഇടത് - വലത് മുന്നണികളുടെ നാടകം അവസാനിപ്പിക്കുക, ജനങ്ങളുടെ യാത്ര സ്വാതന്ത്ര്യം പുനസ്ഥാപിക്കുക : എസ്.ഡി.പി.ഐ.

 

കണ്ണൂർ : താവക്കരയിൽ വർഷങ്ങളായി കണ്ണൂർ സിറ്റി, കണ്ണൂർ ജില്ലാ ആശുപത്രി ഭാഗങ്ങളിലേക്ക് എളുപ്പത്തിൽ എത്തിച്ചേരാനുള്ള വഴി തടഞ്ഞ് കെ.കെ ബിൽഡേഴ്സ് നിർമ്മിച്ച അനധികൃത കെട്ടിടം പൊളിച്ച് മാറ്റുന്ന വിഷയത്തിൽ പരസ്പരം പോരടിക്കുന്ന ഇടത് വലത് മുന്നണികൾ, ജനങ്ങളെ വിഡ്ഢികൾ ആക്കുന്ന വാക് പോരു അവസാനിപ്പിച്ച് അനധികൃതമായി നിർമ്മിച്ച കെട്ടിടം പൊളിച്ച് മാറ്റി പ്രദേശവാസികളുടെ വഴി പുനസ്ഥാപ്പിക്കാനുള്ള നടപടി സ്വീകരിക്കണമെന്നും, പ്രശ്ന പരിഹാരത്തിനു കാല ദൈർഘ്യമുണ്ടാകുന്ന പക്ഷം ജനകീയ പ്രക്ഷോഭത്തിനു പാർട്ടി മുൻ കൈയ്യെടുക്കുമെന്നും സ്ഥലം സന്ദർശിച്ച എസ്.ഡി.പി.ഐ കണ്ണൂർ മണ്ഡലം സിക്രട്ടറി ആസിഫ്. പി.കെ പറഞ്ഞു. മണ്ഡലം പ്രസിഡന്റ് ഇഖ്ബാൽ പൂക്കുണ്ടിൽ, കമ്മിറ്റി അംഗം ഹാഷിം എന്നിവരും അദ്ദേഹത്തോടൊപ്പം ഉണ്ടായിരുന്നു.