തെരുവ് പട്ടി ശല്യത്തിനെതിരെ വെൽഫെയർ പാർട്ടി ധർണ നടത്തി. Newsofkeralam

കണ്ണൂർ: കണ്ണൂർ നഗരത്തിൽ വർദ്ധിച്ചുവരുന്ന തെരുവ് പട്ടി ശല്യത്തിനെതിരെ, അധികാരികൾ നടപടികൾ കൈക്കൊള്ളണം എന്ന് ആവശ്യപ്പെട്ടുകൊണ്ട് വെൽഫെയർ പാർട്ടി കണ്ണൂർ കോർപ്പറേഷൻ കമ്മിറ്റിയുടെ ആഭിമുഖ്യത്തിൽ കാൾടെക്സ് ജംഗ്ഷനിൽ സായാഹ്ന ധർണ്ണ നടത്തി. ജില്ലാ സെക്രട്ടറി സി മുഹമ്മദ് ഇംതിയാസ് ഉദ്ഘാടനം ചെയ്തു.കോർപ്പറേഷൻ കമ്മിറ്റി പ്രസിഡണ്ട് സി പി മുസ്തഫ അധ്യക്ഷത വഹിച്ചു,ത്രേസ്യാമ്മ മാളിയേക്കൽ, ബി ഖാലിദ്, എം സി അബ്ദുൽ ഖല്ലാക്ക്, ബീന ആയിക്കര, കെ വി അഷ്റഫ്, എന്നിവർ സംസാരിച്ചു.ഇ വി നിസാമുദ്ദീൻ, അൻസാരി കാക്കടവൻ, അബ്ദുൾ നാസർ കെ എൻ, കെ എൽ മുസമ്മിൽ, ഹസ്സൻ കക്കാട് എന്നിവർ നേതൃത്വം നൽകി.