ഓട്ടോറിക്ഷയിൽ മറന്ന് വെച്ച സ്വർണ്ണാഭരണവും, പണവും, മറ്റ് രേഖകളും അടങ്ങിയ പേഴ്സ് ഉടമയ്ക്ക് തിരിച്ചു നൽകി. Newsofkeralam

കണ്ണൂർ: കണ്ണൂർ മുനീശ്വരൻ കോവിൽ നിന്നും ഓട്ടോറിക്ഷയിൽ കാൽ ടെക്സിലേക്ക് യാത്ര ചെയ്ത താഴെ ചൊവ്വ ,ചാലത്ത് കുന്നത്ത് സ്വദേശിനിയായ ജയശ്രീ സി കെ എന്ന സ്ത്രീ ഓട്ടോ റിക്ഷയിൽ മറന്ന് വെച്ച ഒന്നര പവൻ സ്വർണ്ണാഭരണം, അമ്പതിനായിരം രൂപ. മറ്റ് വിലപിടിച്ച രേഖകൾ അടങ്ങിയ പേഴ്സ് ഓട്ടോ ഡ്രൈവറായ താഴെ ചൊവ്വ, അമ്പാടിമുക്ക് സ്വദേശിയായ ഹസ്സൻ കുഞ്ഞ്. കെ എന്നയാൾ ഉടമസ്ഥയ്ക്ക് തിരിച്ച് നൽകി മാതൃകയായി. കണ്ണൂർ ടൗൺ പോലിസ് സ്റ്റേഷനിൽ വെച്ച് ഇൻസ്പെക്ടർ ശ്രീജിത്ത് കോടേരി, എസ് ഐ ഷഹീഷ് കെ.കെ അസ്സി: സബ്ബ് ഇൻസ്പെക്ടർ വിജിത്ത്, നാസർ എന്നിവരുടെ സാന്നിധ്യത്തിലാണ് ആഭരണവും പണവും മറ്റ് രേഖകളും കൈമാറിയത്.