കളഞ്ഞു കിട്ടിയ പണം തിരികെ നൽകി മാതൃകയായി. Newsofkeralam

 

കണ്ണൂർ : കളഞ്ഞു കിട്ടിയ പണം തിരികെ നൽകി മാതൃകയായി. കതിരൂർ പോലീസ് സ്റ്റേഷൻ പരിധിയിലെ ആറാം മൈലിൽ നിന്നും കളഞ്ഞു പോയ 2,43,500 രൂപ ഉടമസ്ഥന് തിരികെ നൽകി മാതൃകയായ പ്രവൃത്തി കാഴ്ചവെച്ചു.ഓട്ടോറിക്ഷ ഡ്രൈവറായ സുബിത്ത് നാമത്തിന് വഴിയിൽ ലഭിച്ച പണമാണ് കതിരൂർ പോലീസ് സ്റ്റേഷനിൽ ഏൽപ്പിച്ചത്. തുടർന്ന് പോലീസ് നടത്തിയ അന്വേഷണത്തിൽ പണത്തിന്റെ ഉടമസ്ഥൻ ഷുജായ് മുഗ്ദാദ് ആണെന്ന് മനസിലായി.കതിരൂർ പോലീസ് സ്റ്റേഷൻ സബ് ഇൻസ്പെക്ടർ ജീവാനന്ദ്, സീനിയർ സിവിൽ പോലീസ് ഓഫീസർ ജിജീഷ് എന്നിവരുടെ സാന്നിധ്യത്തിൽ സുബിത്ത് പണം ഷുജായിക്ക് കൈമാറി.സത്യസന്ധതയും ഉത്തരവാദിത്വവും പ്രകടിപ്പിച്ച സുബിത്തിനെ പോലീസ് അഭിനന്ദിച്ചു.