കൊല്ലത്ത് കഞ്ചാവ് കടത്തിയ കേസിലെ പ്രതിക്ക് 7 വർഷത്തെ കഠിന തടവും അമ്പതിനായിരം രൂപ പിഴയും.

കൊല്ലം : കൊല്ലത്ത്  കഞ്ചാവ് കടത്തിയ കേസിലെ പ്രതിക്ക് 7 വർഷത്തെ കഠിന തടവും അമ്പതിനായിരം രൂപ പിഴയും. കരുനാഗപ്പള്ളി എക്സൈസ് ഇൻസ്‌പെക്ടർ ആയിരുന്ന സഹദുള്ള പിഎയും സംഘവും ചേർന്ന്  2017 ഡിസംബർ 25നു പുലർച്ചെ ഒരുമണിക്ക് 1.1 കിലോഗ്രാം കഞ്ചാവുമായി ചവറ ജംഗ്‌ഷനിൽ വച്ച് എടുത്ത കേസിലാണ് കൊല്ലം  സെക്ഷൻസ് കോടതിയുടെ വിധി. പള്ളിത്തോട്ടം റീസെറ്റിൽമെൻറ് കോളനി സ്വദേശിയായ നൗഷറുദീൻ എന്നയാളാണ് സ്‌കൂട്ടറിൽ കഞ്ചാവ് കടത്തുന്നതിനിടെ എക്സൈസ് സംഘത്തിന്റെ പിടിയിലായത്. പ്രതി അതിന് മുൻപും കഞ്ചാവ് കടത്തിൽ പിടിയിലായിട്ടുള്ള ആളാണ്.   കരുനാഗപ്പള്ളി എക്സൈസ് സർക്കിൾ ഇൻസ്‌പെക്ടർ  ബിജുകുമാർ അന്വേഷണം നടത്തി കുറ്റപത്രം സമർപ്പിച്ചു. പബ്ലിക് പ്രോസിക്യൂട്ടർ വി. വിനോദ് പ്രോസിക്യൂഷന് വേണ്ടി ഹാജരായി.

 

ന്യൂസ്‌ ഓഫ് കേരളം വാട്സ്ആപ്പ് ഗ്രൂപ്പിൽ ജോയിൻ ചെയ്യാൻ : https://chat.whatsapp.com/Enp0WcT1MXlGanbPtKwcaq