ന്യൂനമര്ദ്ദം: കേരളത്തില് വ്യാപക മഴയ്ക്ക് സാധ്യത. Newsofkeralam
വടക്ക് പടിഞ്ഞാറന് ബംഗാള് ഉള്ക്കടലില് വടക്കന് ഒഡിഷ - പശ്ചിമ ബംഗാള് തീരത്തിനു സമീപം രൂപപ്പെട്ട ന്യൂനമര്ദ്ദം, നിലവില് വടക്കന് ഒഡിഷക്ക് മുകളില് സ്ഥിതി ചെയ്യുന്നു. അടുത്ത രണ്ടു ദിവസം പടിഞ്ഞാറു - വടക്ക് പടിഞ്ഞാറു ദിശയില് സഞ്ചരിച്ചു വടക്കന് മധ്യപ്രദേശിലേക്ക് നീങ്ങാനാണ് സാധ്യതയെന്ന് കേന്ദ്രകാലാവസ്ഥാവകുപ്പ് അറിയിച്ചു. തെക്കന് ഗുജറാത്ത് തീരം മുതല് കേരള തീരം വരെ ന്യൂനമര്ദ്ദ പാത്തി നിലനില്ക്കുന്നതിനാല് കേരളത്തില് അടുത്ത് അഞ്ച് ദിവസം വ്യാപക മഴയ്ക്ക് സാധ്യതയുണ്ട്. ഇന്നും (ജൂണ് 26) നാളെയും (ജൂണ് 27) വ്യാഴവും(ജൂണ് 29) വെള്ളിയും (ജൂണ് 30) ഒറ്റപ്പെട്ട സ്ഥലങ്ങളില് ശക്തമായ മഴയ്ക്കും നാളെ (ജൂണ് 27) ഒറ്റപ്പെട്ട സ്ഥലങ്ങളില് അതി ശക്തമായ മഴയ്ക്കും സാധ്യതയുണ്ടെന്ന് അറിയിപ്പില് പറയുന്നു.
മോശം കാലാവസ്ഥ ; മത്സ്യബന്ധനത്തിന് പോകരുതെന്ന് നിര്ദേശം
ബുധനാഴ്ച (ജൂണ് 28) വരെ കേരള തീരത്തും വെള്ളിയാഴ്ച (ജൂണ് 30) വരെ കര്ണാടക, ലക്ഷദ്വീപ് തീരങ്ങളിലും മണിക്കൂറില് 40 മുതല് 45 കിലോമീറ്റര് വരെ വേഗതയിലും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് ഈ ദിവസങ്ങളില് മത്സ്യബന്ധനത്തിന് പോകരുതെന്ന് കേന്ദ്രകാലാവസ്ഥാ വകുപ്പ് അറിയിച്ചു.
ഇന്ന് (ജൂണ് 26) തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം, വടക്കന് ആന്ധ്രാപ്രദേശ് തീരം, മധ്യ- പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുണ്ട്. വടക്ക് - പടിഞ്ഞാറന് ബംഗാള് ഉള്ക്കടലില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
ചൊവ്വാഴ്ച (ജൂണ് 27) തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം, ശ്രീലങ്കന് തീരത്തോട് ചേര്ന്നുള്ള തെക്ക് - പടിഞ്ഞാറന് ബംഗാള് ഉള്ക്കടല്, തെക്ക് കിഴക്കന് ബംഗാള് ഉള്ക്കടല്, മധ്യ - പടിഞ്ഞാറന് ബംഗാള് ഉള്ക്കടല് എന്നിവിടങ്ങളിലും ബുധനാഴ്ച (ജൂണ് 28) തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം, ശ്രീലങ്കന് തീരത്തോട് ചേര്ന്നുള്ള തെക്ക് - പടിഞ്ഞാറന് ബംഗാള് ഉള്ക്കടല് അതിനോട് ചേര്ന്നുള്ള മധ്യ - പടിഞ്ഞാറന് ബംഗാള് ഉള്ക്കടല് എന്നിവിടങ്ങളിലും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
വ്യാഴാഴ്ച (ജൂണ് 29) തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം, എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുണ്ട്. ശ്രീലങ്കന് തീരം അതിനോട് ചേര്ന്നുള്ള തെക്ക് - പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
വെള്ളിയാഴ്ച (ജൂണ് 30) തെക്കന് തമിഴ്നാട് തീരം, ഗള്ഫ് ഓഫ് മന്നാര് അതിനോട് ചേര്ന്നുള്ള കോമോറിന് പ്രദേശം, ശ്രീലങ്കന് തീരം അതിനോട് ചേര്ന്നുള്ള തെക്ക് - പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് 65 കിലോമീറ്റര് വരെ വേഗതയിലും ശക്തമായ കാറ്റിന് സാധ്യതയുണ്ട്. വടക്കന് ശ്രീലങ്കന് തീരം അതിനോട് ചേര്ന്നുള്ള തെക്ക് - പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. ഈ സാഹചര്യത്തില് മത്സ്യത്തൊഴിലാളികള് ജാഗ്രത പാലിക്കണമെന്ന് കേന്ദ്രകാലാവസ്ഥാ വകുപ്പ് അറിയിച്ചു.
Comments