കേരളത്തിലെ ആദ്യ വനിത ടൂവീലര് വര്ക്ക്ഷോപ്പ് പ്രവര്ത്തനമാരംഭിച്ചു.
 |
| കേരളത്തിലെ ആദ്യത്തെ വനിത ടൂവീലര് വര്ക്ക്ഷോപ്പ് വെസ്റ്റ് എളേരി പഞ്ചായത്തിലെ ഭീമനടി കാലിക്കടവില് വെസ്റ്റ് എളേരി പഞ്ചായത്ത് പ്രസിഡണ്ട് ഗിരിജ മോഹനന് ഉദ്ഘാടനം ചെയ്യുന്നു |
കേരളത്തിലെ ആദ്യത്തെ വനിത ടൂവീലര് വര്ക്ക്ഷോപ്പ് വെസ്റ്റ് എളേരി പഞ്ചായത്തിലെ ഭീമനടി കാലിക്കടവില് പ്രവര്ത്തനം ആരംഭിച്ചു. കാസര്കോട് കുടുംബശ്രീ മിഷന്റെ കീഴില് പരപ്പ ആര്.കെ.ഐ.ഇ.ഡി.പി പദ്ധതിയുടെ ഭാഗമായുള്ള ബ്ലോക്ക് തല സ്കില് ട്രെയിനിങ്ങില് പങ്കെടുത്ത് ടൂവീലര് മെക്കാനിക്കല് പരീശീലനം നേടിയ വനിതകളാണ് ടൂവീലര് വര്ക്ക് ഷോപ്പ് ആരംഭിച്ചിരിക്കുന്നത്. കാലിക്കടവില് നടന്ന പരിപാടി വെസ്റ്റ് എളേരി പഞ്ചായത്ത് പ്രസിഡണ്ട് ഗിരിജ മോഹനന് ഉദ്ഘാടനം ചെയ്തു. സി.ഡി.എസ് ചെയര്പേഴ്സണ് സൗദാമിനി വിജയന് അധ്യക്ഷത വഹിച്ചു. സി.എച്ച്.ഇക്ബാല് പദ്ധതി വിശദീകരിച്ചു. വൈസ് പ്രസിഡണ്ട് പി.സി.ഇസ്മായില്, വാര്ഡ് മെമ്പര്മാരായ മോളിക്കുട്ടി പോള്, സി.വി.അഖില, ടി.വി.രാജീവന്, എം.എം.ഷെരീഫ, ജോബ് കഫേ ഡയറക്ടര് രാജേഷ്, ഡാജി ഓടയ്ക്കല്, ലൗലി വര്ഗ്ഗീസ്, കെ.വി.പ്രമീള എന്നിവര് സംസാരിച്ചു. കെ.ജെ.പോള് സ്വാഗതവും ഗീത ശിവദാസ് നന്ദിയും പറഞ്ഞു.
Comments