കണ്ണൂരിൽ വൻ എം.ഡി.എം.എ വേട്ട; രണ്ടു കേസുകളിലായി പെൺകുട്ടി ഉൾപ്പെടെ നാല് പ്രതികൾ പിടിയിൽ.

കണ്ണൂർ : കണ്ണൂരിൽ വൻ എം.ഡി.എം.എ വേട്ട. രണ്ടു കേസുകളിലായി പെൺകുട്ടി ഉൾപ്പെടെ നാല് പ്രതികൾ പിടിയിൽ. കണ്ണൂർ ടൗൺ പോലീസും ഡാൻസഫ് ടീമും ചേർന്നാണ് മയക്കുമരുന്ന് ശേഖരം പിടികൂടിയത്. രണ്ടു കേസുകളിലുമായി 158 ഗ്രാം എം.ഡി.എം.എ, 112 ഗ്രാം ഹാഷിഷ് ഓയിൽ എന്നിവയാണ് പിടികൂടിയത്. പുതിയതെരു ശങ്കരൻ കട യാസിർ (30),  തയ്യിൽ മരക്കാർക്കണ്ടി സ്വദേശിനി അപർണ അനീഷ് (23) എന്നിവരെയാണ് കണ്ണൂർ നഗരത്തിലെ ഹോട്ടൽ റൂമിൽ വച്ചും എം.ഡി.എം.എ സഹിതം അറസ്റ്റ് ചെയ്തത്. മറ്റൊരു കേസിൽ ആദ്യ കേസിലെ പ്രതിയുടെ സഹോദരൻ പുതിയതെരു ശങ്കരൻകടയിലെ റിസ്‌വാൻ (22), കണ്ണൂർ സിറ്റി സ്വദേശി മൈതാനപ്പള്ളി ടി.പി ഹൗസിൽ ദിൽഷിദ് (33) എന്നിവരയും കണ്ണൂർ മലബാർ ടവറിൽ വച്ചു 156 ഗ്രാം എം.ഡി.എം.എ, 112 ഗ്രാം ആഷിഷ് ഓയിൽ എന്നിവയുമാണ് അറസ്റ്റ് ചെയ്തത്.എസ്.ഐ ഷമീൽ, സവ്യ സച്ചി, എ.എസ്.ഐ അജയൻ, മുഹമ്മദ്‌, ഷിജി, എസ്.സി.പി.ഒ മഹേഷ്‌, ശംസുദ്ധീൻ, ഡാൻസഫ് ടീം അംഗങ്ങളായ എസ്.ഐ മഹിജൻ, എസ്.സി.പി.ഒ മഹേഷ്‌, സി.പി.ഒ റജിൽരാജ്, ബിനു, രാഹുൽ, അനൂപ്, പ്രഭീഷ്, നിഷാദ് എന്നിവരുടെ നേതൃത്വത്തിലായിരുന്നു പ്രതികളെ പിടികൂടിയത്.

- ന്യൂസ് ഓഫ് കേരളം.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW