എസ് ബി ഐ യോനോ ആപ്പ് ബ്ലോക്കായെന്ന പേരിൽ തട്ടിപ്പ്; പരാതിക്കാരന് 25000 രൂപ നഷ്ടമായി.

കണ്ണൂർ : എസ് ബി ഐ യോനോ ആപ്പ് ബ്ലോക്കായെന്ന പേരിൽ  തട്ടിപ്പ് തലശ്ശേരി എരഞ്ഞോളി സ്വദേശിയായ 79 കാരന് 25000 രൂപ നഷ്ടമായി . ടെക്സ്റ്റ് മെസ്സേജായി ഫോണിലേക്ക് യോനോ ആപ്പ് ബ്ലോക്കായെന്നും പാൻ കാർഡ് അപ്ഡേറ്റ് ചെയ്യണമെന്നാവശ്യപ്പെട്ട് സന്ദേശമയച്ചാണ് തട്ടിപ്പിനിരയാക്കിയത്. തലശ്ശേരി പോലീസ് സ്റ്റേഷനിൽ ലഭിച്ച പരാതിയിൽ കേസ് രജിസ്റ്റർ ചെയ്തു. ബാങ്കിൽ നിന്നും അയക്കുന്ന സന്ദേശം എന്ന വ്യാജേനയാണ് തട്ടിപ്പുകാർ ടെക്സ്റ്റ് മെസേജ് അയക്കുന്നത്. എസ് ബി ഐ യോനോ ആപ്പ് ബ്ലോക്കായിരിക്കുകയാണ്. പാൻ കാർഡ് വിവരങ്ങളും നെറ്റ് ബാങ്ക് വിവരങ്ങളും അപ്ഡേറ്റ് ചെയ്യാൻ ലിങ്കിൽ ക്ലിക്ക് ചെയ്യണം എന്നാണ് സന്ദേശത്തിലുണ്ടാവുക.
സന്ദേശത്തിൽ പറയുന്ന ലിങ്കിൽ ക്ലിക്ക് ചെയ്താലുടൻ   എസ് ബി ഐയുടേതെന്നു തോന്നിപ്പിക്കുന്ന വ്യാജ സൈറ്റ് ഓപ്പണായി വരും.യൂസർ ഐഡിയും പാസ്സ്‌വേർഡും അടിച്ച് ലോഗിൻ ചെയ്യുമ്പോൾ വെരിഫിക്കേഷനെന്ന പേരിൽ  ഒടിപി കൂടി നൽകുന്നതിലൂടെയാണ് പണം നഷ്ടപ്പെടുന്നത്. ബാങ്കുകളോ മറ്റ് അംഗീകൃത ധനകാര്യ സ്ഥാപനങ്ങളോ  വിവരങ്ങൾ ഫോണിലൂടെ ആവശ്യപ്പെടില്ല. ഇത്തരം ഫോൺകോളുകൾ, എസ്.എം.എസ്. സന്ദേശം, ഇ-മെയിലുകൾ എന്നിവ പൂർണമായും അവഗണിക്കുക
ക്രെഡിറ്റ്കാർഡ് വിവരങ്ങൾ, അവയുടെ കാലാവധി അവസാനിക്കുന്ന തീയതി, സി.വി.സി, ഒ.ടി.പി, പിൻ നമ്പറുകൾ എന്നിവ ആരുമായും പങ്കുവെയ്ക്കരുത്.
സൈബർ കുറ്റകൃത്യങ്ങൾക്ക് ഇരയാകുകയാണെങ്കിൽ ഉടൻ 1930 എന്ന പോലീസ് സൈബർ ഹെൽപ്പ്ലൈനിൽ ബന്ധപ്പെടുക. അല്ലെങ്കിൽ www.cybercrime.gov.in എന്ന വെബ്സൈറ്റ് സന്ദർശിച്ച് നിങ്ങളുടെ പരാതി റിപ്പോർട്ട് ചെയ്യുക.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW