പുല്ലൂപ്പിയിലെ സംഘർഷം: വധശ്രമക്കേസിൽ ഒരാൾ അറസ്റ്റിൽ.

കണ്ണൂർ : പാതിരാത്രിയിലെ സംഘർഷത്തിൽ യുവാവിനെ കുത്തി പരിക്കേൽപ്പിച്ച സംഭവത്തിൽ വധശ്രമ കേസിൽ ഒരാൾ അറസ്റ്റിൽ. കണ്ണൂർ സിറ്റി കൊച്ചിപ്പള്ളി സ്വദേശിയും കക്കാട് പള്ളിപ്രത്തെ വാടക ക്വാട്ടേർസിൽ താമസക്കാരനുമായ എസ്.കെ ഹാനിസിനെ (31) യാണ് മയ്യിൽ സ്റ്റേഷൻ പോലീസ് ഇൻസ്പെക്ടർ ടി.പി സുമേഷും സംഘവും അറസ്റ്റു ചെയ്തത്. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു. ഇക്കഴിഞ്ഞ 17 ന് പുലർച്ചെ കണ്ണാടിപറമ്പ് പുല്ലൂപ്പി മാപ്പിള എ .എൽ പി സ്കൂളിന് സമീപം വെച്ചായിരുന്നു ഇരുവിഭാഗം യുവാക്കൾ ഏറ്റുമുട്ടിയത്. വധശ്രമത്തിന് 25 ഓളം പേർക്കെതിരെ മയ്യിൽ പോലീസ് കേസെടുത്തിരുന്നു. പുല്ലൂപ്പിയിലെ ഷംഷാജി(35)നാണ് കുത്തേറ്റത്. പോലീസ് സംഘത്തിൽ എസ്.ഐ പ്രശോബ്, സിപിഒ വിജിൽ മോൻ എന്നിവർ ഉണ്ടായിരുന്നു. 

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW