കണ്ണൂർ സിറ്റി ആയിക്കര ഹാർബറിൽ മുട്ടാപ്പ സല്ലാപം നടത്തി.

കണ്ണൂർ സിറ്റി : സിറ്റി ആയിക്കര ഹാർബറിൽ മുട്ടാപ്പ സല്ലാപം നടത്തി. കണ്ണൂർ സിറ്റിയുടെ പരിച്ഛേദമായി പ്രവർത്തിച്ചു കൊണ്ട് ജന ഹൃദയങ്ങളിൽ സ്ഥാനം പിടിച്ച സിറ്റി സ്നേഹ സല്ലാപം നവ മാധ്യമ കൂട്ടായ്മയുടെ ആഭിമുഖ്യത്തിലാണ് കണ്ണൂർ ഹാർബറിൽ മുട്ടാപ്പ സല്ലാപം സംഘടിപ്പിച്ചത്. സിറ്റിയുടെ പരമ്പരാഗത വിഭവമായ വ്യത്യസ്തങ്ങളായ രുചിക്കൂട്ടിൽ തയ്യാറാക്കിയ മുട്ടാപ്പങ്ങൾ ചടങ്ങിൽ വിതരണം ചെയ്തു, സാമുഹിക രാഷ്ട്രീയ രംഗത്തെ പ്രമുഖർ പങ്കെടുത്തു. ചീഫ് അഡ്മിനും ഫൗണ്ടറുമായ അബു അൽമാസ് അധ്യക്ഷത വഹിച്ചു, അഡ്മിന്മാരായ എം.സി അബ്ദുൽ ഖല്ലാക്ക് സ്വാഗതം പറഞ്ഞു. പി.എം റയീസ് നന്ദിയും പറഞ്ഞു. നൗഫൽ ഗുരുക്കൾ, ഇ ടി മൻസൂർ, ബി ഹാഷിം, കെ നിസാമുദ്ധീൻ, ഷംസു മാടപ്പുര, അഡ്മിന്മാരായ റഫീഖ് കളത്തിൽ, കെ പി റാസിഖ് തുടങ്ങിയവർ സംസാരിച്ചു, എക്സിക്യൂട്ടീവ് അംഗങ്ങളായ അബു ഷാം, കെ എം ആഷിഖ്, നദീർ കാർക്കോടൻ, മുഹമ്മദ് റിസ്‌വാൻ തുടങ്ങിയവർ പരിപാടിക്ക് നേതൃത്വം നല്കി. കഴിഞ്ഞ 5 വർഷ കാലയളവിൽ ഒട്ടനവധി ജീവ കരുണ്യ പ്രവർത്തനങ്ങൾ നടത്തി സാമൂഹ്യ വിദ്യാഭ്യാസ സാംസ്‌കാരിക മേഖലകളിൽ പ്രവർത്തിച്ചു കൊണ്ടിരിക്കുന്ന 500 ൽ പരം പുരുഷ വനിതാ അംഗങ്ങൾ ഉൾകൊള്ളുന്ന സിറ്റി യുടെ അഭിമാന കൂട്ടായ്മയാണ് സ്നേഹ സല്ലാപം.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW