കത്തുന്ന വെയിലിൽ കനത്ത ചൂടിൽ ജോലി ചെയ്യുന്ന ട്രാഫിക് പോലീസ് ഉദ്യോഗസ്ഥർക്ക് ആശ്വാസമായി കേരള പോലീസ് അസോസിയേഷൻ. Police news

കണ്ണൂർ : കത്തുന്ന വെയിലിൽ കനത്ത ചൂടിൽ ജോലി ചെയ്യുന്ന ട്രാഫിക് പോലീസ് ഉദ്യോഗസ്ഥർക്ക് ആശ്വാസമായി കേരള പോലീസ് അസോസിയേഷൻ. കേരള പോലീസ് ഓഫീസേഴ്സ് അസോസിയേഷൻ കണ്ണൂർ സിറ്റി ജില്ലാ കമ്മിറ്റികൾ സംയുക്തമായി കുടിവെള്ള വിതരണവും, സൺഗ്ലാസുകളുടെ വിതരണവും സംഘടിപ്പിച്ചു. കുടിവെള്ള വിതരണ പരിപാടിയുടെ ഉദ്ഘാടനം തലശ്ശേരി ട്രാഫിക്ക് യൂണിറ്റിൽ വെച്ച് തലശ്ശേരി എ.എസ്.പി ഷഹൻഷാ. കെ. എസ്. ഐപിഎസ് നിർവഹിച്ചു. വിഷൻ പ്ലസ് ഐ കെയർ പോലീസ് സേനാംഗങ്ങൾക്കായി സൗജന്യമായി നൽകിയ സൺഗ്ലാസുകൾ വിഷൻ പ്ലസ് എംഡി അബ്ദുൾ റഷീദ് പരിപാടിയിൽ വെച്ച് വിതരണം ചെയ്തു. തലശ്ശേരി ട്രാഫിക്ക് യൂണിറ്റ് എസ്.എച്ച്.ഒ ബേബി മാത്യു , കെ.പി.എ ജില്ലാ സെക്രട്ടറി സിനീഷ്. വി, കെ.പി.എ ജില്ലാ വൈസ് പ്രസിഡന്റ് സുകേഷ്. കെ. സി, വിഷൻ പ്ലസ് ഐ കെയർ എംഡി അബ്ദുൾ റഷീദ് എന്നിവർ സംസാരിച്ചു. കെ.പി.എ കണ്ണൂർ സിറ്റി ജില്ലാ പ്രസിഡന്റ് സന്ദീപ് കുമാർ വി വി. അധ്യക്ഷത വഹിച്ചു. കേരള പോലീസ് ഓഫീസ്സേഴ്സ് അസോസിയേഷൻ കണ്ണൂർ സിറ്റി ജില്ലാ ജോയിന്റ് സെക്രട്ടറിയും തലശ്ശേരി ട്രാഫിക് അസിസ്റ്റന്റ് സബ്ബ് ഇൻസ്‌പെക്ടർ ബിജു. പി സ്വാഗതം പറഞ്ഞു. കെ.പി.എ ജില്ലാ കമ്മിറ്റി അംഗം വി.സി വികാസ് നന്ദി പറഞ്ഞു.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW