എറണാകുളം റൂറൽ ജില്ലാ പോലീസ് കായിക മേളയിൽ ഡിഎച്ച് ക്യു കളമശേരി ജേതാക്കളായി.

എറണാകുളം റൂറൽ ജില്ലാ പോലീസ് കായിക മേളയിൽ ഡിഎച്ച് ക്യു കളമശേരി ജേതാക്കളായി. പുത്തൻകുരിശ് സബ്‌ ഡിവിഷനാണ് രണ്ടാംസ്ഥാനം. അത്താണി മാർ അത്തനേഷ്യസ് സ്കൂൾ മൈതാനിയിൽ നടന്ന സമാപന ചടങ്ങിൽ ജില്ലാ പോലീസ് മേധാവി ഡോ വൈഭവ് സക്സേന മാർച്ച് പാസ്റ്റിന് അഭിവാദ്യം സ്വീകരിച്ച് സമ്മാനവിതരണം നിർവ്വഹിച്ചു. പെരുമ്പാവൂർ ഏ.എസ് പി ശക്തി സിംഗ് ആര്യ, അഡീഷണൽ എസ്പി എം.കൃഷ്ണൻ, ഡിവൈഎസ്പിമാരായ എം.എ അബ്ദുൾ റഹിം, ടി.ആർ രാജേഷ്, വി.ടി.ഷാജൻ,പി.എം ബൈജു, ടി.എം വർഗീസ്, എസ്. ജയകൃഷ്ണൻ അഡ്മിനിസ്ട്രേറ്റീവ് അസിസ്റ്റൻ്റ് വിനോദ് വി മാത്യു , വിവിധ സ്റ്റേഷനുകളിലെ പോലീസു ദ്യോഗസ്ഥർ തുടങ്ങിയവർ പങ്കെടുത്തു. ബേസിൽ അഖിൽ, സന്തോഷ് കുമാർ, ഫെബിൻ ജോസഫ്, പ്രതീക്ഷ, ടി.ജെ ഐസിമോൾ എന്നീ പോലീസുദ്യോഗസ്ഥരാണ് മികച്ച അത് ലറ്റുകൾ, മികച്ച മാർച്ച് പാസ്റ്റിംഗിനുള്ള ട്രോഫി മുനമ്പം സബ് ഡിവിഷൻ കരസ്ഥമാക്കി. കഴിഞ്ഞ 7 ന് ആരംഭിച്ച കായിക മേള അഞ്ച് സബ്ഡിവിഷനുകളിലായാണ് നടന്നത്.

• 'NEWSOFKERALAM / ന്യൂസ് ഓഫ് കേരളം' വാർത്തകൾ വാട്സ്ആപ്പ് ഗ്രൂപ്പിലും ലഭ്യമാണ്. ഏറ്റവും പുതിയ വാർത്തകൾക്കും പ്രധാന അറിയിപ്പുകൾക്കും പെട്ടന്ന് തന്നെ അറിയാൻ ന്യൂസ് ഓഫ് കേരളം വാട്സ്ആപ്പ് ഗ്രൂപ്പിൽ അംഗമാകൂ ... https://chat.whatsapp.com/Kf2kLvvUkQDDN3stM3I8GW