ഓണത്തിന് ഒരു കൊട്ട പൂവ് പദ്ധതിയുടെ ഉദ്ഘാടനം കോര്‍പ്പറേഷന്‍ ഓഫീസ് പരിസരത്ത് വെച്ച് മേയര്‍ അഡ്വ.പി ഇന്ദിര നിര്‍വ്വഹിച്ചു.

 

ഓണത്തിന് ഒരു കൊട്ട പൂവ് പദ്ധതിയുടെ ഉദ്ഘാടനം കോര്‍പ്പറേഷന്‍ ഓഫീസ് പരിസരത്ത് വെച്ച് മേയര്‍ അഡ്വ.പി ഇന്ദിര നിര്‍വ്വഹിച്ചു. സ്വകാര്യ ഉടമസ്ഥതയിലുള്ള തരിശായി കിടക്കുന്ന സ്ഥലങ്ങളിൽ ഉടമസ്ഥരുടെ അനുമതിയോടെ വൃത്തിയാക്കി സ്ത്രീ കൂട്ടായ്മയിൽ പൂക്കൃഷി നടത്തി ഓണത്തിന് വിളവെടുപ്പ് നടത്തുന്നതാണ് പദ്ധതിയെന്നും പരമാവധി ആളുകൾ ഈ പദ്ധതി ഉപയോഗപ്പെടുത്തണമെന്നും മേയർ പറഞ്ഞു .ഡെപ്യൂട്ടി മേയര്‍ കെ പി താഹിര്‍ അധ്യക്ഷത വഹിച്ചു. വികസനകാര്യ സ്റ്റാന്‍റിംഗ് കമ്മിറ്റി ചെയര്‍പേഴ്സണ്‍ അഡ്വ.ലിഷ ദീപക് സ്വാഗതം പറഞ്ഞു. കൃഷി ഡെപ്യൂട്ടി ഡയറക്ടര്‍ ബിന്ദു കെ മാത്യു പദ്ധതി വിശദീകരണം നടത്തി. സ്റ്റാന്‍റിംഗ് കമ്മിറ്റി ചെയര്‍മാന്‍മാരായ റിഷാം താണ, ശ്രീജ മഠത്തില്‍, റിജില്‍ മാക്കുറ്റി, ഷമീമ ടീച്ചര്‍, വി കെ മുഹമ്മദലി, അഡ്വ.സോന ജയറാം എന്നിവര്‍ ആശംസകളര്‍പ്പിച്ചു.