സ്വകാര്യ ആശുപത്രികളുടെ കൊള്ളയ്‌ക്കെതിരേ എസ് ഡിപിഐ പ്രതിഷേധമിരമ്പി.

കണ്ണൂർ: സ്വകാര്യ ആശുപത്രികളുടെ കൊള്ള അവസാനിപ്പിക്കണമെന്ന് ആവശ്യപ്പെട്ട് എസ് ഡിപിഐ കണ്ണൂർ ജില്ലാ കമ്മിറ്റിയുടെ ആഭിമുഖ്യത്തിൽ കലക്ടറേറ്റിനു മുന്നിൽ ധർണ നടത്തി. ചികിത്സയുടെ പേരിലുള്ള ചൂഷണം അവസാനിപ്പിക്കുക, സ്വകാര്യ ആരോഗ്യ മേഖലയിൽ സർക്കാർ ഇടപെടുക, ആതുര മേഖലയെ കച്ചവടമാക്കുന്ന പ്രവണതയ്ക്ക് അറുതി വരുത്തുക, കൊള്ളയ്ക്ക് അറുതി വരുത്തുന്നതിനാവശ്യമായ നിയമ നിർമ്മാണം നടത്തുക തുടങ്ങിയ ആവശ്യങ്ങൾ ഉന്നയിച്ചാണ് കലക്ടറേറ്റ് ധർണ നടത്തിയത്. ജില്ലാ ജനറൽ സെക്രട്ടറി മുസ്‌തഫ നാറാത്ത് സ്വാഗതം പറഞ്ഞു. ജില്ലാ പ്രസിഡൻ്റ് ബഷീർ കണ്ണാടിപ്പറമ്പ് അധ്യക്ഷത വഹിച്ചു.

സംസ്ഥാന ജനറൽ സെക്രട്ടറി കെ കെ അബ്ദുൽ ജബ്ബാർ ഉദ്ഘാടനം ചെയ്തു. ആതുരാലയങ്ങളെ അറവുശാലകളാക്കി പൊതു ജനങ്ങളുടെ ആരോഗ്യവും സമ്പത്തും കൊള്ളടിക്കുന്നത് അവസാനിപ്പിക്കാൻ നിയമനിർമാണം നടത്തണമെന്ന് അദ്ദേഹം പറഞ്ഞു. പൊതുജനാരോഗ്യ മേഖലയെ ശക്തിപ്പെടുത്തുമ്പോൾ തന്നെ സ്വകാര്യ മേഖലയെയും നിയന്ത്രിക്കണം. ആശുപത്രി വാസം ജനങ്ങൾക്ക് പേടിസ്വപ്നമായി മാറുകയാണ്. അതേസമയം തന്നെ സ്വകാര്യ ആതുരാലയ മേഖലയിൽ വൻകിട കുത്തകകൾ പിടിമുറുക്കുകയും ചെയ്യുന്നുണ്ട്. ആരോഗ്യസംരക്ഷണം മൗലികാവശ്യമായി ക്കണ്ട് ചൂഷണ മുക്തമാക്കിയില്ലെങ്കിൽ ആരോഗ്യകേരളം എന്നത് ഓർമ മാത്രമായി മാറുമെന്നും അദ്ദേഹം പറഞ്ഞു. ജില്ലാ വൈസ്പ്രസിഡൻ്റ് ബി.ശംസുദ്ധീൻമൗലവി, ജില്ലാ സെക്രട്ടറിമാരായ ഷഫീക്ക് പി.സി, റജീന ടീച്ചർ, ശംസീർ പി. ടി. വി, ജില്ലാസെക്രട്ടറിയേറ്റ് അംഗം സജീർ കീച്ചേരി സംസാരിച്ചു.

• സ്വകാര്യ ആശുപത്രികളുടെ കൊള്ളയ്‌ക്കെതിരേ 

എസ്ഡിപിഐ പ്രതിഷേധമിരമ്പി.

കണ്ണൂർ സിറ്റി ലോക്കലിലെ ടൗൺ ബാങ്ക് ജീവനക്കാർ ഐ.ആർ.പി.സിക്ക് നൽകിയ സഹായം ലോക്കൽ സെക്രട്ടറി സോണൽ കമ്മിറ്റി യോഗത്തിൽ വച്ച് ഉപദേശക സമിതി അംഗം ഡോക്ടർ ബാലകൃഷ്ണ പൊതുവാളിന് കൈമാറി. 

• ഡിജിറ്റല്‍ സേവനങ്ങള്‍ക്ക് വേഗതയും അനിവാര്യം: മന്ത്രി ബിന്ദു കൃഷ്ണ.

• നീറ്റ് പരീക്ഷ ക്രമക്കേട്: മുസ്‌ലിം യൂത്ത് ലീഗ് കണ്ണൂർ ജില്ലാ കമ്മിറ്റി പോസ്റ്റ് ഓഫീസ് ഉപരോധിച്ചു. 

• ആദികടലായിയ്ക്ക് വിനോദസഞ്ചാര രംഗത്ത് വലിയ സാധ്യത: മന്ത്രി റോജി എം. ജോൺ.

• രാഹുൽ ഗാന്ധിക്കെതിരായ ഡൽഹി പോലീസിന്റെ അതിക്രമത്തിൽ പ്രതിഷേധിച്ച് യൂത്ത് കോൺഗ്രസ് ദേശീയ പാത റോഡ് ഉപരോധിച്ചു.

• ഉന്നത വിദ്യാഭ്യാസ വകുപ്പ് മന്ത്രി റോജി എം ജോണിന് കണ്ണൂർ ജില്ലാ കോൺഗ്രസ് കമ്മിറ്റി ഓഫീസിൽ സ്വീകരണം നൽകി.