മേലേചൊവ്വയിൽ ഒരാഴ്ചയ്ക്കുള്ളിൽ ഗതാഗതക്കുരുക്ക് പരിഹരിക്കും: രാത്രികാല ഗതാഗത നിയന്ത്രണം..

മേലേചൊവ്വയിൽ ഒരാഴ്ചയ്ക്കുള്ളിൽ ഗതാഗതക്കുരുക്ക് പരിഹരിക്കും: രാത്രികാല ഗതാഗത നിയന്ത്രണം.
മേൽപ്പാലം നിർമാണ പ്രവൃത്തികളും റോഡിലെ കുഴികളും മൂലം രൂക്ഷമായ ഗതാഗതക്കുരുക്ക് നേരിടുന്ന മേലേചൊവ്വ ജംഗ്ഷനിൽ, അടിയന്തര നടപടികളിലൂടെ ഒരാഴ്ചയ്ക്കുള്ളിൽ പ്രശ്നത്തിന് പരിഹാരം കാണാൻ തീരുമാനിച്ചു.
ഇതിന്റെ ഭാഗമായി സർവീസ് റോഡ് റീടാറിങ് പ്രവൃത്തികൾ താഴെ പറയുന്ന ദിവസങ്ങളിൽ നടക്കും:
• ​2026 ജൂലൈ 15 (ബുധൻ): രാത്രി (09:00PM) ആരംഭിച്ച് പിറ്റേന്ന് രാവിലെ (07:00AM) വരെ പ്രവൃത്തി തുടരും.
​• 2026 ജൂലൈ 16 (വ്യാഴം): രാത്രി (09:00PM) വീണ്ടും ആരംഭിച്ച് അടുത്ത ദിവസം പുലർച്ചെയോടെ (രാവിലെയോടെ -07:00AM) പൂർത്തിയാക്കും.
​ശ്രദ്ധിക്കുക: പൊതുജനങ്ങൾക്കുണ്ടാകുന്ന ബുദ്ധിമുട്ട് ഒഴിവാക്കാനായി പ്രവൃത്തികൾ രാത്രികാലങ്ങളിൽ മാത്രമാണ് നടത്തുന്നത്. ടാറിങ് നടക്കുന്ന സമയങ്ങളിൽ ഒരു ദിശയിലൂടെ മാത്രമായിരിക്കും വാഹനങ്ങൾ കടത്തിവിടുക (വൺവേ നിയന്ത്രണം).
​യാത്രക്കാർ ഈ നിയന്ത്രണങ്ങളോട് പൂർണ്ണമായും സഹകരിക്കണമെന്ന് അഭ്യർഥിക്കുന്നു. ടാറിങ് നടക്കുന്ന ദിവസങ്ങളിൽ യാത്രക്കാർ പരമാവധി കണ്ണൂർ സിറ്റി വഴി തിരിഞ്ഞുപോകാൻ ശ്രമിക്കേണ്ടതാണ്.