NEWS OF KERALAM

  കണ്ണൂർ സിറ്റി പോലീസും മോട്ടോർ വാഹന വകുപ്പും സംയുക്തമായി നടത്തുന്ന ഇ-ചലാൻ അദാലത്ത് 24-12-2025 ബുധനാഴ്ച തലശ്ശേരി ആർ.ടി ഓഫീസിനോടനുബന്ധിച്ചുള്ള ഹാളിൽ വച്ച് നടത്തുന്നതാണ്. പലകാരണങ്ങളാൽ ചലാനുകൾ അടയ്ക്കാൻ കഴിയാതെ ബുദ്ധിമുട്ടുന്നവ ഉദാഹരണത്തിന് ആർസി ബുക്കിൽ ഫോൺ നമ്പർ അപ്ഡേറ്റ് ചെയ്യാത്തവർ, ആർസി ഓണർ വിദേശത്ത് ആയതിനാൽ ചലാൻ അടക്കാൻ ശ്രമിക്കുമ്പോൾ ഒടിപി ലഭിക്കാത്തതിനാൽ അടക്കാൻ പറ്റാത്തവർ എംവിഡിയുടെയും പോലീസിന്റെയും ചലാൻ അടക്കാൻ വിവിധ ഓഫീസുകളിൽ കയറിയിറങ്ങേണ്ട ബുദ്ധിമുട്ട് ഓർത്ത് അടക്കാൻ പോകാത്തവർ പ്രയോജനപ്പെടുന്നതാണ് ഈ അദാലത്ത്. കണ്ണൂർ സിറ്റി പോലീസും മോട്ടോർ വാഹന വകുപ്പും ഒരുമിച്ച് നടത്തുന്ന ഈ അദാലത്തിൽ പോലീസിൻ്റെയും മോട്ടോർ വാഹന വകുപ്പിന്റെയും കൗണ്ടറുകൾ പ്രവർത്തിക്കുന്നതാണ്, സമയം രാവിലെ 10.30 മണി മുതൽ വൈകിട്ട് 4.00 മണി വരെ. ചലാൻ അടയ്ക്കാൻ വരുന്നവർക്ക് എടിഎം, ക്രെഡിറ്റ്‌, ഡെബിറ്റ് കാർഡ് വഴിയോ ജിപേ പോലെയുള്ള യുപിഐ ആപ്പ് വഴിയോ മാത്രമാണ് പിഴ അടയ്ക്കാൻ സാധിക്കുക.

  മലയാള സിനിമയ്ക്ക് വീണ്ടെടുക്കാനാവാത്ത നഷ്ടമാണ് ശ്രീനിവാസന്റെ വിയോഗമെന്ന് മുഖ്യമന്ത്രി പിണറായി വിജയന്‍. സിനിമയില്‍ നിലനിന്നു പോന്ന പല മാമൂലുകളെയും തകര്‍ത്തുകൊണ്ടാണ് ശ്രീനിവാസന്‍ ചുവടുവെച്ചതെന്നും മുഖ്യമന്ത്രി പറഞ്ഞു. ചലച്ചിത്രത്തിന്റെ സമസ്ത രംഗങ്ങളിലും നായക സ്ഥാനത്ത് എത്തിയ പ്രതിഭയാണ് ശ്രീനിവാസന്‍. പച്ച മനുഷ്യന്റെ ജീവിതം വെള്ളിത്തിരയില്‍ എത്തിക്കുന്നതിലും ചിരിയിലൂടെയും ചിന്തയിലൂടെയും പ്രേക്ഷകനെ താന്‍ ഇച്ഛിക്കുന്ന ബോധ തലങ്ങളിലേക്ക് എത്തിക്കുന്നതിലും ഇതുപോലെ വിജയിച്ച ചലച്ചിത്രകാരന്മാര്‍ അധികമില്ല.  മുഖ്യമന്ത്രിയുടെ അനുശോചനം പൂർണമായും :  മലയാള സിനിമയ്ക്ക് വീണ്ടെടുക്കാനാവാത്ത നഷ്ടമാണ് ശ്രീനിവാസന്റെ വേർപാട്. ചലച്ചിത്രത്തിന്റെ സമസ്ത രംഗങ്ങളിലും നായക സ്ഥാനത്ത് എത്തിയ പ്രതിഭയാണ്  മറയുന്നത്. പച്ച മനുഷ്യൻ്റെ ജീവിതം വെള്ളിത്തിരയിൽ എത്തിക്കുന്നതിലും ചിരിയിലൂടെയും ചിന്തയിലൂടെയും പ്രേക്ഷകനെ താൻ ഇച്ഛിക്കുന്ന ബോധ തലങ്ങളിലേക്ക് എത്തിക്കുന്നതിലും ഇതുപോലെ വിജയിച്ച ചലച്ചിത്രകാരന്മാർ വേറെ അധികമില്ല. സിനിമയിൽ നിലനിന്നു പോന്ന പല മാമൂലുകളെയും തകർത്തുകൊണ്ടാണ് ശ്രീനിവാസൻ ചുവടുവെച്ചത്.താൻ പ്...

  തന്റെ പ്രിയസുഹ‍ൃത്ത് ശ്രീനിവാസന്റെ വിയോ​ഗത്തിൽ അനുശോചിച്ച് മോഹൻലാൽ. തന്റെ  ഫേസ്ബുക്ക് കുറുപ്പിലാണ് മോഹൻലാൽ പ്രതികരിച്ചത്. നാടോടിക്കാറ്റിലെ ദാസനെയും വിജയനെയും പരാമർശിച്ചുകൊണ്ടാണ് മോഹൻലാൽ അനുശോചിച്ചത്. മദ്ധ്യവർ​ഗത്തിന്റെ സ്വപ്നങ്ങളും സ്വപ്നഭംഗങ്ങളും തന്റെ ചിത്രങ്ങളിലൂടെ ആവിഷ്കരിക്കാനുള്ള കഴിവ് ശ്രീനിവാസനുണ്ടായിരുന്നെന്നും അദ്ദേഹത്തിന്റേത് അനുഗ്രഹീത രചനാ വൈഭവമാണെന്നും മോഹൻലാൽ ഫേസ്ബുക്കിൽ കുറിച്ചു. ഫേസ്ബുക്ക് കുറിപ്പിന്റെ പൂർണരൂപം:  യാത്ര പറയാതെ ശ്രീനി മടങ്ങി. ശ്രീനിയുമായുള്ള ആത്മബന്ധം വാക്കുകളിൽ എങ്ങനെ ഒതുക്കുമെന്നറിയില്ല. സിനിമയിൽ ഒരുമിച്ചു പ്രവർത്തിച്ചവർ എന്ന നിർവചനത്തിനും എത്രയോ മുകളിലായിരുന്നു ഞങ്ങളുടെ സ്നേഹബന്ധം. ഓരോ മലയാളിക്കും ശ്രീനിയോടുള്ള ആത്മബന്ധവും അങ്ങനെ തന്നെയായിരുന്നല്ലോ. മലയാളി തൻ്റെ സ്വന്തം മുഖം, ശ്രീനി സൃഷ്ടിച്ച കഥാപാത്രങ്ങളിൽ കണ്ടു. സ്വന്തം വേദനകളും സന്തോഷങ്ങളും, ഇല്ലായ്മകളും അദ്ദേഹത്തിലൂടെ സ്ക്രീനിൽ കണ്ടു. മധ്യവർഗ്ഗത്തിൻ്റെ സ്വപ്നങ്ങളും സ്വപ്നഭംഗങ്ങളും ആവിഷ്കരിക്കാൻ ശ്രീനിയെപ്പോലെ മറ്റാർക്ക് കഴിയും. ഞങ്ങൾ ഒന്നിച്ച കഥാപാത്രങ്ങൾ കാലാതീതമായി നിലനിൽ...

  ആലപ്പുഴ ജില്ലാ പൊലീസ് മേധാവിയുടെ അധീനതയിലുള്ളതും ജില്ലാ എ ആര്‍ ക്യാമ്പില്‍ സൂക്ഷിച്ചിട്ടുള്ളതുമായ ജില്ലയിലെ 14 വര്‍ഷം പൂര്‍ത്തിയായ കെ.എല്‍ 01 ബി.സി 3160 റ്റാറ്റാ എല്‍പി 410 ക്വിക്ക് റെസ്‌പോണ്‍സ് വാന്‍, കെ.എല്‍ 29 ഡി 4346 റ്റാറ്റാ എല്‍പി 912 ബസ് എന്നീ ഡിപ്പാര്‍ട്ട്‌മെന്റ് വാഹനങ്ങള്‍ എം.എസ്.റ്റി.സി പോര്‍ട്ടല്‍ മുഖന ഡിസംബര്‍ 24 രാവിലെ 11 മണി മുതല്‍ 04.30 വരെ ഓണ്‍ലൈനായി ലേലം നടത്തും. ഫോൺ: 0477 2239326.

  *🏥 ജില്ലാ ആശുപത്രി കണ്ണൂർ*   (19/12/2025 വെള്ളി )  ഒ പി വിഭാഗങ്ങൾ.   *☎️ 04972731555* 🔵 *ജനറൽ മെഡിസിൻ* 🩺 Dr അഭിലാഷ്/പ്രിയങ്ക  ⏰ 8 AM to 12:30 PM 🔵 *ശിശു രോഗ വിഭാഗം* 🩺 Dr സുരേഷ് ബാബു   ⏰ 8 AM to 12:30 PM 🔵 *ഗൈനക്കോളജി* 🩺 Dr ഷീബ,ഷോണി,വൈഷ്ണ  ⏰ 8 AM to 12:30 PM 🔵 *ഓർത്തോപീഡിക്ക്* 🩺Dr അജിത്  ⏰️8 AM to 12:30 PM 🔵 *ഇ.എൻ.ടി* 🩺 Dr ഷിത  ⏰ 8 AM to 12:30 PM 🔵 *നേത്ര രോഗ വിഭാഗം*  🩺Dr ജെയ്സി  ⏰8 AM to 12:30 PM 🔵 *ശ്വാസകോശ വിഭാഗം* 🩺 Dr നീതു  ⏰ 8 AM to 12:30 PM 🔵 *ഡെന്റൽ* 🩺 Dr സൻജിത് ജോർജ്/ദീപക്  ⏰ 8 AM to 12:30 PM 🔵 *റേഡിയേഷൻ ഓങ്കോളജി*        *പെയിൻ&പാലിയേറ്റീവ്* 🩺 Dr ദിവ്യ  ⏰ 8 AM to 12:30 PM 🔵 *എൻ.സി.ഡി(N.C.D)* 🩺 Dr വിമൽ രാജ്  ⏰ 8 AM to 12:30 PM 🔵 *ഫിസിക്കൽ മെഡിസിൻ&റീഹാബ്* 🩺 Dr ശോഭീ കൃഷ്ണ ⏰ 8 AM to 12:30 PM ⚫️ *സൂപ്പർ സ്പെഷ്യലിറ്റി വിഭാഗം*⚫️ 🔵 *നെഫ്റോളജി* 🩺 Dr രോഹിത് രാജ്  ⏰ 8 AM to 12:30 PM *ഇല്ലാത്ത ഒപികൾ* 🔵കാർഡിയോളജി  🔵ജനറൽ സർജറി  🔵സൈക്...

  *മന്ത്രിസഭായോഗ തീരുമാനങ്ങള്‍* *മുഖ്യമന്ത്രിയുടെ ഓഫീസ്* *17/12/2025* *------------------------* *ധനസഹായം* രാത്രികാല പട്രോളിംഗ് ഡ്യൂട്ടിക്കിടെ അപകടം സംഭവിച്ച് കാൽ മുറിച്ചുമാറ്റിയ കാസർഗോഡ് ജില്ലയിലെ ഹാർബർ റസ്ക്യൂ ഗാർഡ് ബിനീഷ് എംന് നേരത്തെ അനുവദിച്ച 55,000 രൂപയുടെ ധനസഹായത്തിന് പുറമെ 5 ലക്ഷം രൂപ കൂടി മുഖ്യമന്ത്രിയുടെ ദുരിതാശ്വാസ നിധിയിൽ നിന്നും അനുവദിക്കും. *ഓണറേറിയം വർദ്ധിപ്പിച്ചു* പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന 18 മോഡൽ പ്രീ സ്കൂളുകളിലെ ജീവനക്കാരുടെ ഓണറേറിയം വർദ്ധിപ്പിച്ചു. ടീച്ചർക്ക് 13,000 രൂപയായും, ആയ/ഹെൽപ്പർക്ക് 9000 രൂപയായുമാണ് പ്രതിമാസം ഓണറേറിയം വർദ്ധിപ്പിച്ചത്. *തസ്തിക* കോഴിക്കോട് സ്ഥാപിക്കുന്ന ഇന്‍സ്റ്റിറ്റ്യൂട്ട് ഓഫ് ഓര്‍ഗന്‍ ട്രാന്‍സ്പ്ലന്‍റേഷന്‍റെ ഒന്നാം ഘട്ടത്തിലേക്ക് തസ്തികകള്‍ അനുവദിച്ചു. പ്രഫസര്‍- 14, അസോസിയേറ്റ് പ്രഫസര്‍ -7, അസിസ്റ്റന്‍റ് പ്രഫസര്‍ - 39 എന്നിങ്ങനെയാണിത്.  തിരുവനന്തപുരം സർക്കാർ മെഡിക്കൽ കോളേജിലെ അവയവദാന പദ്ധതിയുടെ തുടർ നടത്തിപ്പിന് ഒരു ട്രാൻസ്‌പ്ലാന്റ്റ് കോർഡിനേറ്റർ തസ്തിക നിലനിർത്തും. മലപ്പുറം ജില്ലയിലെ വേങ്ങര ഉപജില്ലയിലെ കാര...

  കണ്ണൂർ: മഹാത്മാ ഗാന്ധി ദേശീയ തൊഴിലുറപ്പ് ഭേദഗതി ബില്ലിനെതി രെയുള്ള സംസ്ഥാന തല പ്രക്ഷോഭ ത്തിൻ്റെ ഉദ്ഘാടനം കെപിസിസി പ്രസിഡൻ്റ് അഡ്വ. സണ്ണി ജോസഫ് കണ്ണൂരിൽ നിർവഹിച്ചു. മഹാത്മാഗാന്ധിയുടെ ഓർമ്മകളെ പ്പോലും തകർക്കാനുള്ള ബി ജെ പി യുടെ ശ്രമമാണിത്. ലക്ഷക്കണക്കിന് സാധാരണക്കാരുടെയും പാവപ്പെട്ട തൊഴിലാ ളികളുടേയും ജീവിതോ പാധി യാണ് ഇതു മൂലം തകരുന്നത്. കോൺഗ്ര സ് സർക്കാർ പാവങ്ങൾക്ക് വേണ്ടി കൊണ്ടുവന്ന എല്ലാ പദ്ധതി കളും ഒന്നൊന്നായി കേന്ദ്ര സർ ക്കാർ തകർക്കു കയാണ്. ഇതിനെതിരെ ശക്തമായ പ്രതിഷേധം ഉയരും സണ്ണി ജോസഫ് പറഞ്ഞു.ഡിസിസി പ്രസിഡണ്ട് അഡ്വ.മാർട്ടിൻ ജോർജ്ജ് അധ്യക്ഷത വഹിച്ചു .നേതാക്കളായ രാജീവൻ എളയാവൂർ ,എം പി ഉണ്ണികൃഷ്ണൻ ,റിജിൽ മാക്കുറ്റി ,വി വി പുരുഷോത്തമൻ , കെ പ്രമോദ് ,മുഹമ്മദ് ബ്ലാത്തൂർ ,ടി ജയകൃഷ്ണൻ , അമൃത രാമകൃഷ്ണൻ , അഡ്വ.വി പി അബ്ദുൽ റഷീദ് ,സുരേഷ് ബാബു എളയാവൂർ, എം കെ മോഹനൻ , അഡ്വ.റഷീദ് കവ്വായി ,കെ ബാലകൃഷ്ണൻ രാജീവൻ പാനുണ്ട , സി ടി ഗിരിജ ,ജോഷി കണ്ടത്തിൽ , ഡോ.ജോസ് പ്ലാന്തോട്ടം ,ശ്രീജ മഠത്തിൽ ,കാട്ടാമ്പള്ളി രാമചന്ദ്രൻ , കായക്കൽ രാഹുൽ ,ലക്ഷ്മണൻ തുണ്ടിക്കൊത്ത് , കെ ഒ സുരേന്ദ്രൻ മാസ്റ്റർ ,കൂക്കിരി രാജേഷ്...

  കൊളവല്ലൂർ: തദ്ദേശ തിരഞ്ഞെടുപ്പിന്റെ ഫല പ്രഖ്യാപനത്തിന്റെ ഭാഗമായുള്ള വിജയാഘോഷത്തിന്റെ സമയത്ത് നാട്ടുകാർക്ക് നേരെയും പോലീസിന് നേരെയും മാരകായുധവുമായി ആക്രമണം നടത്തിയ പ്രതികളിലെ അഞ്ചുപേരെ കൂത്തുപറമ്പ് എസിപി സ്‌ക്വാഡും കൊളവല്ലൂർ പോലീസും ചേർന്ന് മൈസൂരിൽ വെച്ച് പിടികൂടി.പാറാട് സ്വദേശികളായ ശരത്ത്, ശ്രീജിൽ, അശ്വന്ത്, ശ്രേയസ്സ്, അതുൽ എന്നിവരാണ് പിടിയിലായത്. കേസിൽ ഉൾപ്പെട്ട 7 പേരെ മുൻപ് പിടികൂടിയിരുന്നു.പ്രതികൾ വാൾ വീശി പ്രദേശത്ത് പരിഭ്രാന്തി സൃഷ്ടിക്കുകയും പോലീസ് വാഹനങ്ങൾക്ക് കേടുപാടുകൾ വരുത്തുകയും ചെയ്തിരുന്നു. നിരവധി സിസിടിവി ദൃശ്യങ്ങൾ, മൊബൈൽ ടവർ ലൊക്കേഷൻ എന്നിവ കേന്ദ്രീകരിച്ച് നടത്തിയ അന്വേഷണത്തിലാണ് പ്രതികളെ മൈസൂരിൽ വെച്ച് പിടികൂടിയത്.കണ്ണൂർ സിറ്റി പോലീസ് കമ്മീഷണർ നിധിൻരാജ് ഐ.പി.എസ്, കൂത്തുപറമ്പ് എസിപി ആസാദ് എം.പി, കൊളവല്ലൂർ പോലീസ് സ്റ്റേഷൻ ഇൻസ്പെക്ടർ ഷാജു പി എന്നിവരുടെ നിർദ്ദേശപ്രകാരം കമ്മീഷണർ സ്ക്വാഡ് അംഗങ്ങളും കൂത്തുപറമ്പ് എസിപി സ്‌ക്വാഡ് അംഗങ്ങളും കൊളവല്ലൂർ പോലീസും ചേർന്നാണ് പ്രതികളെ പിടികൂടിയത്.

തദ്ദേശ സ്ഥാപനങ്ങളിലേക്കുള്ള പൊതുതിരഞ്ഞെടുപ്പ് സുതാരവ്യം നിഷ്പക്ഷവും സമാധാനപരവുമായി നടത്താൻ സഹകരിച്ച എല്ലാവർക്കും സംസ്ഥാന തിരഞ്ഞെടുപ്പ് കമ്മീഷണർ എ ഷാജഹാൻ നന്ദി അറിയിച്ചു. ഏകദേശം ഒന്നര വർഷം മുൻപ് ആരംഭിച്ച വാർഡ് പുനർവിഭജനവും, രണ്ടുഘട്ടമായി നടത്തിയ വോട്ടെടുപ്പും, വോട്ടെണ്ണലും ഉൾപ്പെടെയുള്ള സമഗ്രമായ തിരഞ്ഞെടുപ്പ് പ്രക്രിയ സുതാര്യവും സുഗമവും പ്രശ്നരഹിതവുമായി പൂർത്തിയാക്കാനായി. സമാധാനപരമായ രീതിയിൽ തിരഞ്ഞെടുപ്പ് പ്രക്രിയ പൂർത്തിയാക്കാൻ സഹകരിച്ച മുഴുവൻ സമ്മതിദായകർക്കും, സ്ഥാനാർത്ഥികൾക്കും, രാഷ്ട്രീയ പാർട്ടികൾക്കും, പൊതുജനങ്ങൾക്കും, ഉദ്യോഗസ്ഥർക്കും മാധ്യമപ്രവർത്തകർക്കും കമ്മീഷണർ നന്ദി അറിയിച്ചു.സംസ്ഥാന തിരഞ്ഞെടുപ്പ് കമ്മീഷന്റെ നേതൃത്വത്തിൽ വിവിധ സംസ്ഥാന സർക്കാർ വകുപ്പുകളുടെയും ജില്ലാ ഭരണകൂടങ്ങളുടേയും തദ്ദേശസ്ഥാപന ഭരണ സംവിധാനങ്ങളുടേയും കൂട്ടായ പരിശ്രമത്തിന്റെ ഫലമായാണ് കൃത്യമായ ഏകോപനത്തോടെ തദ്ദേശതിരഞ്ഞെടുപ്പ് പൂർത്തിയാക്കാനായത്. മാതൃകാപെരുമാറ്റച്ചട്ടം, ഹരിതചട്ടം, ക്രമസമാധാനം എന്നിവ പാലിച്ച് തിരഞ്ഞെടുപ്പ് സമാധാനപരമായി നടത്താൻ കഴിഞ്ഞു. ജില്ലാ തിരഞ്ഞെടുപ്പ് ഉദ്യോഗസ്ഥർക്കൊപ്പം പ്രവർത്തിച്ച തിരഞ്ഞെടു...

   കേരളത്തിലും ബാംഗ്ലൂരുമടക്കമുള്ള പ്രദേശങ്ങളിൽ മയക്കുമരുന്ന് വിതരണത്തിൽ ഏർപ്പെട്ടിരുന്ന അന്തർദേശീയ സംഘത്തിലെ ഒരു പ്രധാന കണ്ണിയായ നൈജീരിയൻ സ്വദേശി മുഹമ്മദ് ജാമിയു അബ്ദു റഹീമിനെ ഡൽഹി ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ വയനാട് ജില്ലാ എക്സൈസിന്റെ പ്രത്യേക അന്വേഷണ സംഘം അറസ്റ്റ് ചെയ്തു. 

  തദ്ദേശസ്വയംഭരണ സ്ഥാപനങ്ങളിലേക്ക് നടന്ന തെരഞ്ഞെടുപ്പിൽ സംസ്ഥാനത്തുണ്ടായ യുഡിഎഫ് തരംഗത്തിനിടയിലും ഒരു മുന്നണികളുടെയും സഹായമില്ലാതെ എസ്ഡിപിഐ ഒറ്റയ്ക്ക് നിന്ന് മുന്നേറ്റം ഉണ്ടാക്കിയതായി സംസ്ഥാന പ്രസിഡൻ്റ് സിപിഎ ലത്തീഫ്.എസ്ഡിപിഐ വിജയപ്രതീക്ഷ വച്ചുപുലർത്തിയ നിരവധി വാർഡുകളിൽ ബിജെപിയെ പോലും കൂട്ടുപിടിച്ച് ഇടതുവലതു മുന്നണികൾ പാർട്ടിയുടെ വിജയത്തിനെതിരെ പ്രവർത്തിച്ചു. എസ്ഡിപിഐക്ക് സാധ്യതയുള്ള വാർഡുകളിലും സിറ്റിംഗ് വാർഡുകളിലും അധികാരവും പണവും ഉപയോഗിച്ച് പാർട്ടിയെ പരാജയപ്പെടുത്താൻ എല്ലാ മുന്നണികളും പരമാവധി പരിശ്രമിച്ചു. നികുതി ഭാരമേല്പിച്ച ഇടതു സർക്കാരിനെതിരായ ജനവികാരം യുഡിഎഫിന് അനുകൂലമായി. ഈ തരംഗത്തിനിടയിലും നില മെച്ചപ്പെടുത്താൻ പാർട്ടി പ്രവർത്തകർക്ക് സാധിച്ചു. രണ്ട് കോർപ്പറേഷനുകളിലും 8 നഗരസഭകളിലും 91 ഗ്രാമപഞ്ചായത്തുകളിലും ഒരു ബ്ലോക്ക് പഞ്ചായത്തിലുമായി 102 ജനപ്രതികളാണ് ഇത്തവണ പാർട്ടിക്ക് ഉള്ളത്. മുന്നൂറിലധികം വാർഡുകളിൽ രണ്ടാം സ്ഥാനവും മൂന്നാം സ്ഥാനവും പാർട്ടി നേടി. അൻപതിലധികം വാർഡുകളിൽ പത്തിൽ താഴെ വോട്ടുകൾക്കാണ് പരാജയപ്പെട്ടത്. 100നും 200നും ഇടയിൽ വോട്ട് നേടിയ ആയിരത്തിലധികം വാർഡുകളുണ്ട്. അഞ്...

  കണ്ണൂർ : കണ്ണൂർ ജില്ലയിൽ യുഡിഎഫ് നേടിയത് ചരിത്ര വിജയമാണെന്ന് ഡിസിസി പ്രസിഡൻ്റ് അഡ്വ മാർട്ടിൻ ജോർജ് പറഞ്ഞു. മുഖ്യമന്ത്രി പിണറായി വിജയനും സിപിഎം സംസ്ഥാന സെക്രട്ടറി എം വി ഗോവിന്ദൻ ഉൾപ്പെടെയുള്ള നേതാക്കളും നേരിട്ട് പ്രചരണത്തിനെത്തി ഭരണ സംവിധാനങ്ങൾ എല്ലാം ഉപയോഗിച്ചിട്ടും എൽഡിഎഫിന് ഒരു ചലനവും സൃഷ്ടിക്കാനായില്ല. കണ്ണൂർ കോർപ്പറേഷൻ ഭരണം പിടിച്ചെടുക്കേണ്ടത് അഭിമാന പ്രശ്നമായി കണ്ട മുഖ്യമന്ത്രിക്കും സിപിഎം നേതാക്കൾക്കും മുൻകാലങ്ങളിലെക്കാൾ വലിയ തിരിച്ചടിയാണ് വോട്ടർമാർ നൽകിയത്. പതിറ്റാണ്ടുകളോളം എൽഡിഎഫ് കുത്തകയാക്കി വെച്ചിരുന്ന ഒട്ടേറെ ഗ്രാമപഞ്ചായത്തുകളും ബ്ലോക്ക് പഞ്ചായത്തുകളും യുഡിഎഫ് പിടിച്ചെടുത്തു എന്ന് മാത്രമല്ല മെമ്പർമാരുടെ എണ്ണത്തിൽ ഇരട്ടിയിലധികം വർദ്ധനവാണ് ഉണ്ടായത്. യുഡിഎഫിനെ പരാജയപ്പെടുത്താൻ ബിജെപിയുമായി സിപിഎം ഉണ്ടാക്കിയ നീക്കുപോക്ക് അവർക്കുതന്നെ വിനയായി മാറിയതാണ് കണ്ണൂർ കോർപ്പറേഷനിലടക്കം കണ്ടത്. സിപിഎമ്മിന്റെ പുതിയ ആസ്ഥാന മന്ദിരം സ്ഥിതി ചെയ്യുന്ന ടെമ്പിൾ വാർഡിൽ ബിജെപി വിജയിക്കാനും സിപിഎം മൂന്നാം സ്ഥാനത്തെത്താനുമിടയാക്കിയ വോട്ടുനില പരിശോധിച്ചാൽ സിപിഎം അണികളുടെ വോട്ട് ബിജെപിക്ക് മറിഞ്...

കാസർഗോഡ്: കുമ്പള - മഞ്ചേശ്വരം റെയില്‍വേ സ്റ്റേഷനുകള്‍ക്കിടയിലെ റെയില്‍വേ ഗേറ്റ് (എല്‍.സി 289) റെയില്‍വേയുടെ അടിയന്തര അറ്റകുറ്റ പ്രവര്‍ത്തികള്‍ക്ക് വേണ്ടി ഡിസംബര്‍ 17 രാവിലെ എട്ട് മുതല്‍ ഡിസംബര്‍ 18 വൈകുന്നേരം ആറ് വരെ അടച്ചിടും സൗത്ത് റെയില്‍വേ അറിയിച്ചു. വാഹന ഗതാഗതം എല്‍.സി 291 (മഞ്ചേശ്വരം ഗേറ്റ്), എല്‍.സി 288 (ഉപ്പള ഗേറ്റ്) എന്നിവ വഴി തിരിച്ച് വിടണമെന്ന് സതേണ്‍ റെയില്‍വേ പി.ജി.ടി ഡിവിഷന്‍ അസിസ്റ്റന്റ് ഡിവിഷണല്‍ എഞ്ചിനിയര്‍ അറിയിച്ചു.  

തദ്ദേശപൊതുതിരഞ്ഞെടുപ്പിന്റെ വോട്ടെണ്ണല്‍ നാളെ (2025 ഡിസംബര്‍ 13). 244 വോട്ടെണ്ണല്‍ കേന്ദ്രങ്ങളിലായി നാളെ രാവിലെ എട്ട് മണിക്ക് വോട്ടെണ്ണല്‍ ആരംഭിക്കും.  പഞ്ചായത്ത്, നഗരസഭ തിരഞ്ഞെടുപ്പ് വോട്ടെണ്ണലിന്റെ ലൈവ് അപ്ഡേറ്റുകൾ അറിയാൻ https://sec.kerala.gov.in   https://trend.sec.kerala.gov.in https://lbtrend.kerala.gov.in https://trend.kerala.nic.in

  കണ്ണൂർ: തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പ് ഫലപ്രഖ്യാപനം നാളെ (13.12.2025) നടക്കാനിരിക്കെ, ജില്ലയിൽ വിജയാഹ്ലാദ പ്രകടനങ്ങൾക്ക് കർശന നിയന്ത്രണങ്ങൾ ഏർപ്പെടുത്തി പോലീസ് ഉത്തരവിറക്കി. ഫലപ്രഖ്യാപനത്തോടനുബന്ധിച്ച് ക്രമസമാധാന പ്രശ്നങ്ങൾ ഉണ്ടാകാൻ സാധ്യതയുണ്ടെന്ന ഇന്റലിജൻസ് റിപ്പോർട്ടിന്റെ അടിസ്ഥാനത്തിലും, സ്കൂളുകളിൽ അർദ്ധവാർഷിക പരീക്ഷകൾ നടക്കുന്ന സാഹചര്യത്തിലുമാണ് നടപടി. വിദ്യാർത്ഥികളുടെ പഠനത്തെയും പരീക്ഷാ തയ്യാറെടുപ്പുകളെയും ബാധിക്കുന്ന തരത്തിലുള്ള ആഘോഷങ്ങൾ ഒഴിവാക്കണമെന്നും, പൊതുജനങ്ങളുടെ സമാധാന ജീവിതത്തിന് തടസ്സം സൃഷ്ടിക്കരുതെന്നും പോലീസ് കർശന നിർദ്ദേശം നൽകി.  പോലീസ് പുറപ്പെടുവിച്ച പ്രധാന നിർദ്ദേശങ്ങൾ താഴെ പറയുന്നവയാണ്: 1) നിലവിലുള്ള നിയമ വ്യവസ്ഥകൾക്കും, ചട്ടങ്ങൾക്കും വിധേയമായി മാത്രമേ വിജയാഹ്ലാദ പരിപാടികൾ നടത്താവൂ. 2) ബന്ധപ്പെട്ട അധികാരികളുടെ മുൻകൂട്ടിയുള്ള അനുമതിയോടു കൂടി മാത്രമേ ഏതൊരു വിജയാഹ്ലാദ പരിപാടികളും നടത്താവൂ. 3) ഏതൊരു വിജയാഹ്ലാദ പരിപാടിക്കൊപ്പവും, ബന്ധപ്പെട്ട പാർട്ടി/സംഘടനയുടെ ഉത്തരവാദപ്പെട്ട ഭാരവാഹികൾ ഉണ്ടായിരിക്കണമെന്നും, പ്രകടനങ്ങളും, പൊതുയോഗങ്ങളും പൂർണ...

കണ്ണൂർ: തദ്ദേശസ്വയം ഭരണ സ്ഥാപന തിരഞ്ഞെടുപ്പിന്റെ വോട്ടെണ്ണൽ കേന്ദ്രങ്ങളായി പ്രവർത്തിക്കുന്ന വിദ്യാഭ്യാസ സ്ഥാപനങ്ങൾക്ക് ഡിസംബർ 12 വെള്ളിയാഴ്ച ജില്ലാ കലക്ടർ അവധി പ്രഖ്യാപിച്ചു.

കണ്ണൂർ : സിപിഎമ്മിന് മേധാവിത്വമുള്ള കണ്ണൂർ ജില്ലയിലെ പല പ്രദേശങ്ങളിലും വ്യാപകമായ കള്ളവോട്ടും അക്രമവും നടത്തിയതായി ഡിസിസി പ്രസിഡൻറ് അഡ്വ. മാർട്ടിൻ ജോർജ് പറഞ്ഞു. ആന്തൂർ നഗരസഭയടക്കം സിപിഎം ശക്തികേന്ദ്രങ്ങളിലെ പല ബൂത്തുകളിൽ നിന്നും രാവിലെ തന്നെ യുഡിഎഫ് ബൂത്ത് ഏജൻ്റുമാരെ ഭീഷണിപ്പെടുത്തി തിരിച്ചയച്ച സംഭവമുണ്ടായി. മലപ്പട്ടം,കുറ്റിയാട്ടൂർ ,മാതമംഗലം ,വെള്ളോറ ,വെള്ളോറ ,മാലൂർ ,പയ്യന്നൂർ എന്നീ പഞ്ചായത്തിലും സമാനമായ അക്രമങ്ങൾ അഴിച്ചു വിട്ടു. വനിതാ സ്ഥാനാർത്ഥികൾ പോലും പലയിടങ്ങളിലും ആക്രമിക്കപ്പെട്ടു. ബൂത്തിനകത്ത് വെച്ച് തന്നെ തെരഞ്ഞെടുപ്പ് ഉദ്യോഗസ്ഥരുടെ മുന്നിൽവച്ച് സിപിഎം പ്രവർത്തകർ അക്രമം നടത്തുകയുണ്ടായി. തെരഞ്ഞെടുപ്പ് കമ്മിഷൻ ഇക്കാര്യം ഗൗരവത്തോടെ കാണേണ്ടതാണ്. സി പി എമ്മിൻ്റെ ജനാധിപത്യ ധ്വംസനങ്ങൾക്കു കൂട്ടു നിന്ന ഉദ്യോഗസ്ഥർക്കെതിരെ നടപടിയെടുക്കണം. പരാജയഭീതിയിലാണ് സിപിഎം നേതൃത്വത്തിന്റെ അറിവോടെ വ്യാപകമായി കള്ളവോട്ട് ചെയ്തതെന്ന് മാർട്ടിൻ ജോർജ് ആരോപിച്ചു ജനാധിപത്യത്തിൻ്റെ അന്തസത്തയെ തന്നെ ഇല്ലാതാക്കുന്ന സമീപനമാണ് തുടക്കം മുതൽ സിപിഎം സ്വീകരിച്ചത്. സിപിഎമ്മിന് ഭൂരിപക്ഷമുള്ള പ്രദേശങ്ങളിൽ പോലും ജനാധിപ...

ചലച്ചിത്രസംവിധായകൻ സത്യൻ അന്തിക്കാട് അന്തിക്കാട് ജി എൽ പി എസിൽ വോട്ട് രേഖപ്പെടുത്തുന്നു.

മലപ്പുറം ജില്ലയിലെ വോട്ടെണ്ണല്‍ കേന്ദ്രങ്ങളായ വിദ്യാഭ്യാസ സ്ഥാപനങ്ങള്‍ക്ക് നാളെയും (വെള്ളി) വോട്ടെണ്ണല്‍ ദിനമായ ശനിയാഴ്ചയും ജില്ലാ കളക്ടര്‍ അവധി പ്രഖ്യാപിച്ചു.

  തദ്ദേശ തിരഞ്ഞെടുപ്പിന്‍റെ വോട്ടെണ്ണല്‍ മറ്റന്നാള്‍ രാവിലെ 8 മണിക്ക് ആരംഭിക്കും. സംസ്ഥാനത്താകെ 244 വോട്ടെണ്ണൽ കേന്ദ്രങ്ങളാണ് സജ്ജമാക്കിയിരിക്കുന്നത്. ആദ്യം പോസ്റ്റൽ ബാലറ്റുകള്‍ എണ്ണി തുടങ്ങും. തുടർന്ന് വോട്ടിങ് മെഷീനുകളിലെ വോട്ടുകൾ എണ്ണും. ഒരു വാർഡിലെ എല്ലാ പോളിങ് സ്റ്റേഷനുകളുടെയും മെഷീനുകൾ ഒരു ടേബിളിൾ തന്നെ ആയിരിക്കും എണ്ണുക. ത്രിതല പഞ്ചായത്തുകൾക്ക് ബ്ലോക്ക് പഞ്ചായത്ത് തലത്തിലും മുനിസിപ്പാലിറ്റി, കോർപ്പറേഷൻ എന്നിവയ്ക്ക് അതത് സ്ഥാപന തലത്തിലുമാണ് വോട്ടെണ്ണൽ കേന്ദ്രങ്ങൾ . സ്ഥാനാർത്ഥികളുടെയോ ഏജന്റുമാരുടെയോ സാന്നിധ്യത്തിലായിരിക്കും വോട്ടെണ്ണൽ നടക്കുക. വരണാധികാരി അനുവദിക്കുന്ന വ്യക്തികളെ മാത്രമേ വോട്ടെണ്ണൽ കേന്ദ്രത്തിൽ പ്രവേശിപ്പിക്കുകയുള്ളൂ. വോട്ടെടുപ്പ് പൂര്‍ത്തിയായ ശേഷം പോളിങ് സാധനങ്ങളും ഇ.വി.എമ്മും വിതരണകേന്ദ്രങ്ങളിൽ സജ്ജമാക്കിയിട്ടുള്ള സ്ട്രോങ്ങ് റൂമുകളിലാണ് സൂക്ഷിക്കുക. 

കണ്ണൂർ: പ്രായം 89 ആയെങ്കിലും വോട്ടെടുപ്പ് ദിനമായാൽ വെള്ളി മൂപ്പന് ചെറുപ്പക്കാരുടെ ചുറുചുറുക്കാണ്. രാവിലെ തന്നെ ഉന്നതിയിലുള്ള ബന്ധുക്കൾക്കൊപ്പം ബൂത്തിലെത്തി വോട്ട് രേഖപ്പെടുത്തും. ഇത്തവണയും പതിവുപോലെ കെ.കെ വെള്ളി പയഞ്ചേരി എൽ.പി സ്കൂളിലെ ബൂത്തിലെത്തി വോട്ട് ചെയ്തു. ഇരിട്ടി നഗരസഭയിലെ പന്ത്രണ്ടാം വാർഡ് അത്തിതട്ടിൽ ഉൾപ്പെട്ടതാണ് കൂളിപ്പാറ ഉന്നതി. പത്ത് വീടുകളിൽ നിന്നായി 34 വോട്ടർമാരാണ് വോട്ട് ചെയ്യാനെത്തിയത്. വെള്ളിമൂപ്പനൊപ്പം മുതിർന്ന വോട്ടറായ കണ്ണൻ മൂപ്പനും വോട്ട് രേഖപ്പെടുത്തി. പ്രായം കൂടിയ സ്ത്രീ വോട്ടറായ കെ.കെ ഓമനയും കന്നി വോട്ടർമാരായ ആറുപേരും പോളിംഗ് ബൂത്തിൽ വോട്ട് രേഖപ്പെടുത്തി.

  തദ്ദേശ തെരഞ്ഞെടുപ്പ് 2025   @ 4.25 PM ജില്ലയില്‍ പോളിംഗ് 70% കടന്നു തദ്ദേശ തെരഞ്ഞെടുപ്പ് ജില്ലയില്‍ ഇതുവരെ 1461904 പേര്‍ വോട്ട് രേഖപ്പെടുത്തി. ആകെ 20,92,003 വോട്ടര്‍മാരാണ് ജില്ലയിലുള്ളത്. വോട്ട് ചെയ്ത സ്ത്രീകള്‍: 813047 -72.36% (ആകെ : 11,25,540) വോട്ട് ചെയ്ത പുരുഷന്മാര്‍: 648854- 67.25% (ആകെ : 9,66,454) വോട്ട് ചെയ്ത ട്രാന്‍സ്‌ജെന്‍ഡേഴ്‌സ്: 3, 33.33% (ആകെ : 09) ബ്ലോക്ക് പഞ്ചായത്തുകള്‍ 1. പയ്യന്നൂര്‍: 72.28% 2. കല്യാശ്ശേരി: 70.67% 3. തളിപ്പറമ്പ്: 71.9% 4. ഇരിക്കൂര്‍: 70.38% 5. കണ്ണൂര്‍: 68.76% 6. എടക്കാട്: 72.84% 7. തലശ്ശേരി: 72.16% 8. കുത്തുപറമ്പ്: 70.9% 9. പാനൂര്‍: 70.72%  10. ഇരിട്ടി: 72.16% 11. പേരാവൂര്‍: 69.63% മുനിസിപ്പാലിറ്റികള്‍ 1. തളിപ്പറമ്പ്: 70.42% 2. കൂത്തുപറമ്പ്: 73.29% 3. പയ്യന്നൂര്‍: 73.35% 4. തലശ്ശേരി: 64.96% 5. ശ്രീകണ്ഠാപുരം: 71.06% 6. പാനൂര്‍: 60.13% 7. ഇരിട്ടി: 73.78% 8. ആന്തൂര്‍: 82.51% കണ്ണൂര്‍ കോര്‍പ്പറേഷന്‍: 62%

കാസർഗോഡ്: കന്നി വോട്ട് രേഖപ്പെടുത്തിയ സന്തോഷത്തിലാണ് കോളംകുളത്തെ ഇരട്ടസഹോദരിമാരായ ഹരിചന്ദനയും ഹരിനന്ദനയും. ഒരേപോലത്തെ വസ്ത്രമണിഞ്ഞ് ഇരുവരും ഒരുമിച്ച് ബൂത്തിലെത്തിയപ്പോള്‍ പോളിംഗ് ഉദ്യോഗസ്ഥര്‍ക്കും നാട്ടുകാര്‍ക്കും അതൊരു കൗതുക കാഴ്ചയായി. കിനാനൂര്‍ കരിന്തളം ഗ്രാമപഞ്ചായത്തിലെ പെരിയങ്ങാനം ഗവണ്മെന്റ് എല്‍.പി. സ്‌കൂളിലാണ് ഇരുവരും തങ്ങളുടെ ആദ്യ വോട്ട് രേഖപ്പെടുത്തിയത്. കാഞ്ഞങ്ങാട് നെഹ്‌റു ആര്‍ട്‌സ് ആന്‍ഡ് സയന്‍സ് കോളേജില്‍ ഫിസിക്സ് ഒന്നാം വര്‍ഷ വിദ്യാര്‍ഥികളാണ് ഈ ഇരട്ട സഹോദരിമാര്‍. ജനാധിപത്യ പക്രിയയില്‍ പങ്കാളികളാകാന്‍ കഴിഞ്ഞതിന്റെ ആവേശത്തിലാണ് ഹരിചന്ദനയും ഹരിനന്ദനയും.

പിണറായി പഞ്ചായത്ത്‌ ജൂനിയർ ബേസിക് സ്കൂൾ ഒന്നാം നമ്പർ ബൂത്തിൽ വോട്ട് ചെയ്യാനെത്തിയ മുഖ്യമന്ത്രി പിണറായി വിജയൻ മാതാപിതാക്കൾക്കൊപ്പമെത്തിയ കുട്ടിക്ക് ഹസ്തദാനം ചെയ്യുന്നു.

തൃശൂർ ജില്ലയിലെ ഏറ്റവും പ്രായം കൂടിയ വോട്ടർ പുത്തൂർ പഞ്ചായത്തിലെ, ചോച്ചേരിക്കുന്ന് (വാർഡ് 12 )ലെ വട്ടുകുളം രാവുണ്ണി ഭാര്യ ജാനകി (111വയസ്സ് ), ചെറുകുന്ന് ഗവ.എൽ. പി സ്കൂളിൽ എത്തി വോട്ട് രേഖപെടുത്തുന്നു.