അനധികൃത ചെങ്കല് ഖനനം: വെള്ളോറ, പാണപ്പുഴ വില്ലേജുകളില് മിന്നല് പരിശോധന നടത്തി; രണ്ട് ലക്ഷത്തിലധികം രൂപ പിഴ ഈടാക്കി.
കണ്ണൂർ : കണ്ണൂർ ജില്ലയിലെ വെള്ളോറ, കക്കറ, പാണപ്പുഴ വില്ലേജ് പരിധികളില് വ്യാപകമായി നടക്കുന്ന അനധികൃത ചെങ്കല് ഖനനത്തിനെതിരെ കര്ശന നടപടിയുമായി വിവിധ വകുപ്പുകളുടെ സംയുക്ത സംഘം. ഇവിടെ നടത്തിയ മിന്നല് പരിശോധനയില് രണ്ടുലക്ഷത്തിലധികം രൂപ പിഴ ഈടാക്കി. വെള്ളോറ, പാണപ്പുഴ വില്ലേജ് പരിധികളിലെ കോയിപ്ര, ബക്കളംപാറ ഉള്പ്പെടെയുള്ള പ്രദേശങ്ങളില് യാതൊരുവിധ പെര്മിറ്റുകളുമില്ലാതെ വലിയ തോതില് ചെങ്കല് ഖനനവും കടത്തും നടക്കുന്നതായി നേരത്തെ അന്വേഷണത്തില് കണ്ടെത്തിയിരുന്നു. അതിന്റെ ഭാഗമായി റവന്യൂ, പോലീസ്, മോട്ടോര് വാഹന വകുപ്പ്, മൈനിങ് ആന്ഡ് ജിയോളജി വകുപ്പുകള് കണ്ണൂര് എന്ഫോഴ്സ്മെന്റ് ആര്.ടി.ഒ കെ വിനോദ് കുമാറിന്റെ ഏകോപനത്തില് പ്രത്യേക സംയുക്ത സംഘത്തിന് രൂപം നല്കിയാണ് പരിശോധന നടത്തിയത്.
വെള്ളോറ, കക്കറ, പാണപ്പുഴ പ്രദേശങ്ങളില് വാഹന പരിശോധനയും ക്വാറി പരിശോധനയും നടത്തിയ സംഘം പത്തോളം ചരക്ക് വാഹനങ്ങള് വിശദമായി പരിശോധിച്ചു. ഇതില് അമിതഭാരം കയറ്റി സര്വീസ് നടത്തിയ അഞ്ച് വാഹനങ്ങള് തടയുകയും മോട്ടോര് വാഹന വകുപ്പ് പിഴയിനത്തില് 95,750 രൂപ ഈടാക്കുകയും ചെയ്തു. കൂടാതെ, മൈനിങ് ആന്ഡ് ജിയോളജി വകുപ്പിന്റെ നിയമാനുസൃതമായ പെര്മിറ്റോ പാസോ ഇല്ലാതെ അനധികൃതമായി ചെങ്കല് കടത്തിയ ആറ് വാഹനങ്ങള് പിടികൂടി അവരില് നിന്ന് 1,10,000 രൂപ പിഴ ഈടാക്കി.
കേന്ദ്ര മന്ത്രി ധർമേന്ദ്ര പ്രധാന്റെ രാജി: കണ്ണൂരിൽ വിജയാഹ്ലാദ പ്രകടനം സംഘടിപ്പിച്ചു.
കുടുക്കിമൊട്ട മെട്രോ ക്ലിനിക്കിന് സമീപം സദഫിൽ സി. പി അബ്ദുള്ളക്കുട്ടി ഹാജി നിര്യാതനായി.
എൻ എസ് തീയറ്ററിന് സമീപത്തെ റോഡിലെ അപകടകുഴി എംഎൽഎ സന്ദർശിച്ചു; ഞായറാഴ്ച മുതൽ പണി ആരംഭിക്കും.
സമസ്ത ജനറല് സെക്രട്ടറി പ്രഫ. കെ. ആലിക്കുട്ടി മുസ്ലിയാര് അന്തരിച്ചു.
നരയൻപാറയ്ക്കടുത്തെ അപകടസ്ഥലത്ത് സംയുക്ത പരിശോധന നടത്തും
Comments