NEWS OF KERALAM

അബൂബക്കർ പുറത്തീൽ,   ഗൾഫ് ഡെസ്ക്, യു.എ.ഇ, അബുദാബി അബുദാബി: യു.എ.ഇയുടെ ഈദുൽ ഇത്തിഹാദ് (ദേശീയ ദിനം) ആഘോഷങ്ങൾക്ക് സ്വർണ്ണനിറം പകരാനൊരുങ്ങുന്നു. കാസർക്കോട് ബേക്കൽ ഹദ്ദാദ് നഗർ സ്വദേശി ഇഖ്ബാൽ ഹത്ബൂർ, ഈ വർഷം അവതരിപ്പിക്കുന്ന വാഹന അലങ്കാര സൃഷ്ടിയിലൂടെ രാജ്യവ്യാപകമായി വലിയ ചർച്ചയായി മാറുകയാണ്. തുടർച്ചയായി 15 വർഷം വാഹന അലങ്കാര മത്സരങ്ങളിൽ പ്രവാസി സമൂഹത്തിന്റെ മനസ്സാക്ഷി കീഴടക്കി മലയാളിയുടെ കഴിവിനെ ‘സ്വർണ്ണ മുദ്ര’ പോലെ മിനുക്കിയ ഇഖ്ബാൽ, ഈ വർഷം വീണ്ടും ഒരു ചരിത്ര സൃഷ്ടിയുമായി വേദിയിലേക്ക് വരുന്നു. ഈ വർഷത്തെ മത്സരത്തിൽ അവതരിപ്പിക്കാനൊരുങ്ങുന്ന ഡിസൈൻ പൂർണ്ണമായും സ്വർണ്ണ തിളക്കത്തിൽ പൊതിഞ്ഞ, യു.എ.ഇയുടെ പ്രതിഭാധനനായ നേതാവ് ശൈഖ് ഹംദാൻ്റെ കർമ്മ വൈഭവത്തോടെ ഉയർത്തി പ്പിടിക്കുന്ന ഒരു രാജകീയ കാഴ്ചയാണ്. അലങ്കാരമെന്നതിലുപരി യു.എ.ഇയുടെ നേതൃത്വത്തോടുള്ള ആദരവും, ഈ രാജ്യം 54 വർഷത്തിലേറെക്കാലം ലോക നക്ഷത്രപടത്തിൽ ഉയർത്തിയ ദർശനത്തോടുള്ള ഒരു മലയാളിയുടെ സ്വർണ്ണ സമർപ്പണവും ആണിത്.സോഷ്യൽ മീഡിയയിൽ ഇതിനകം തന്നെ വൈറലായ ഈ ഡിസൈൻ, എമിറേറ്റിലെ പ്രവാസി സമൂഹത്തിന്റെ ശ്രദ്ധ പൂർണമായി കവർന്നു കഴിഞ്ഞു. മത്സര രംഗത്തെ മറ്റ് വാഹനങ്ങ...

തിരുവനന്തപുരം: കൊയിലാണ്ടി എംഎൽഎ കാനത്തിൽ ജമീലയുടെ മരണത്തിൽ അനുശോചനമറിയിച്ച് നിയമസഭാ സ്പീക്കർ എ എൻ ഷംസീർ. ഇടതുപക്ഷത്തിന്റെ ശക്തരായ പ്രതിനിധികളിൽ ഒരാളായിരുന്നു ജമീലയെന്നും നഷ്ടമായത് ഒരു ശക്തയായ പൊതു പ്രവർത്തകയാണെന്നും സ്പീക്കർ സാമൂഹിക മാധ്യമത്തിൽ പങ്കുവെച്ച കുറിപ്പിൽ പറഞ്ഞു. അർബുദ രോഗത്തെ തുടർന്ന് ചികിത്സയിൽ കഴിഞ്ഞിരുന്ന കാനത്തിൽ ജമീല ഇന്ന് രാത്രി 8.40ഓടെയാണ് മരിച്ചത്. 59 വയസായിരുന്നു. കോഴിക്കോട്ടെ സ്വകാര്യ ആശുപത്രിയിൽ ആയിരുന്നു അന്ത്യം. ഫേസ്ബുക്ക് കുറിപ്പിന്റെ പൂർണരൂപം കേരള നിയമസഭാംഗവും സി.പി.ഐ (എം) കോഴിക്കോട് ജില്ലാ കമ്മിറ്റി അംഗവും പൊതുപ്രവർത്തന രംഗത്തെ അതുല്യ വ്യക്തിത്വവുമായ കാനത്തിൽ ജമീലയുടെ അകാല വിയോഗത്തിൽ അതിയായ ദുഃഖവും അനുശോചനവും രേഖപ്പെടുത്തുന്നു.  കൊയിലാണ്ടി മണ്ഡലത്തെ പ്രതിനിധീകരിച്ച് പതിനഞ്ചാം കേരള നിയമസഭയിലെത്തിയ അവർ, ജനസേവനരംഗത്ത് തന്റേതായ വ്യക്തിമുദ്ര പതിപ്പിച്ചു. ഈ വേർപാട് സംസ്ഥാനത്തിന്, വിശേഷിച്ച് കോഴിക്കോട് ജില്ലയ്ക്ക്, നികത്താനാവാത്ത നഷ്ടമാണ്. മണ്ഡലത്തിലെ വിഷയങ്ങൾ സഭയിൽ ശക്തമായി ഉന്നയിക്കുകയും, സ്ത്രീകളുമായി ബന്ധപ്പെട്ട വിഷയങ്ങളുടെ ചർച്ചയിൽ സജീവമായി ഇടപെട്ട് സംസാരിക...

  കോഴിക്കോട്: കൊയിലാണ്ടി എംഎൽഎയും സിപിഎം കോഴിക്കോട് ജില്ലാ കമ്മറ്റി അംഗവുമായ കാനത്തിൽ ജമീല അന്തരിച്ചു. 59 വയസായിരുന്നു. കോഴിക്കോട്ടെ സ്വകാര്യ ആശുപത്രിയിൽ വെച്ചായിരുന്നു അന്ത്യം.കാന്‍സര്‍ രോഗബാധയെ തുടര്‍ന്ന് ചികിത്സയിലായിരുന്നു. ജനാധിപത്യ മഹിളാ അസോസിയേഷൻ സംസ്ഥാന വൈസ് പ്രസിഡന്റാണ്‌.2021ലെ തെരഞ്ഞെടുപ്പില്‍ കോണ്‍ഗ്രസിലെ എന്‍ സുബ്രഹ്‌മണ്യനെ 8,472 വോട്ടുകള്‍ക്ക് പരാജയപ്പെടുത്തിയാണ് കാനത്തില്‍ ജമീല നിയമസഭയിലേക്ക് എത്തിയത്.മുന്‍പ് കോഴിക്കോട് ജില്ലാ പഞ്ചായത്ത് പ്രസിഡന്റായിരുന്ന ജമീല ഗ്രാമപഞ്ചായത്തിലും ബ്ലോക്ക് പഞ്ചായത്തിലും മത്സരിച്ചു ജയിച്ചിട്ടുണ്ട്. 2005ലാണ് ചേളന്നൂര്‍ ബ്ലോക്ക് പഞ്ചായത്ത് പ്രസിഡന്റായത്. 2010ല്‍ കോഴിക്കോട് ജില്ലാ പഞ്ചായത്ത് പ്രസിഡന്റുമായി. 2020ല്‍ രണ്ടാം തവണയും ജില്ലാ പഞ്ചായത്ത് പ്രസിഡന്റ് സ്ഥാനത്തെത്തി.പിന്നീടാണ് നിയമസഭയിലെത്തുന്നത്. നിയമസഭയിലേക്ക് തെരഞ്ഞെടുക്കപ്പെട്ടതോടെ ജില്ലാ പഞ്ചായത്ത് പ്രസിഡന്റ്‌ സ്ഥാനം രാജിവെച്ചു.അത്തോളി ചോയികുളം സ്വദേശിനിയാണ് കാനത്തില്‍ ജമീല. ഭര്‍ത്താവ് കാനത്തില്‍ അബ്ദുറഹ്‌മാന്‍, മക്കള്‍: അയ്റീജ് റഹ്‌മാന്‍, അനൂജ. 

കണ്ണൂർ സിറ്റി : കുറുവ അവേര എകെജി ക്ലബ്ബിന് സമീപം ഖയറുന്നിസ മാക്കൂലകത്ത് (68) നിര്യാതയായി. ഭർത്താവ്: പരേതനായ അബൂബക്കർ. മക്കൾ: റംസീന, ഷബീന, മുബീന, ഗഫൂർ. ജാമാതാക്കൾ: അഷ്‌റഫ്‌, സാഹിർ, മുനീർ, ഷഹനിജ. സഹോദരങ്ങൾ: ഹംസ, പരേതരായ അഹമ്മദ്, അസീസ്. ഖബറടക്കം ബുധനാഴ്ച രാവിലെ 10 മണിക്ക് കണ്ണൂർ സിറ്റി ജുമാമസ്ജിദ് കബർസ്ഥാനിൽ.  

കണ്ണൂർ: ഇലക്ഷൻ സ്പെഷ്യൽ ഡ്രൈവിന്റെ ഭാഗമായി നടത്തിയ പരിശോധനയിൽ കണ്ണൂരിൽ വൻ സ്പിരിറ്റ് വേട്ട. ലോറിയിൽ കടത്തിക്കൊണ്ട് വന്ന 11055 ലിറ്റർ സ്പിരിറ്റാണ് പിടിച്ചെടുത്തത്. കാലിത്തീറ്റ ചാക്കുകൾക്ക് അടിയിലായി ഒളിപ്പിച്ച നിലയിൽ 335 കന്നാസുകളിലായി ആയിരുന്നു സ്പിരിറ്റ് സൂക്ഷിച്ചത്. വണ്ടിയിൽ ഉണ്ടായിരുന്ന കർണാടക സ്വദേശിയായ ഡ്രൈവർ ശിവാനന്ദ എന്നയാളെ എക്സൈസ് അറസ്റ്റ് ചെയ്തു. എറണാകുളം ഭാഗത്തേക്ക് എത്തിക്കാനുള്ള നിർദ്ദേശമാണ് ലഭിച്ചതെന്ന് പ്രതി ചോദ്യം ചെയ്യലിൽ പറഞ്ഞു.എക്സൈസ് ഇൻ്റലിജൻസ് ഉത്തര മേഖല അസിസ്റ്റൻറ് എക്സൈസ് കമ്മീഷണറുടെ നിർദ്ദേശപ്രകാരം കണ്ണൂർ എക്സൈസ് എൻഫോഴ്സ്മെന്റ് സ്പെഷ്യൽ സ്‌ക്വാഡിലെ എക്സൈസ് ഇൻസ്പെക്ടർ സിയാദിന്റെ നേതൃത്വത്തിൽ നടന്ന പരിശോധനയിലാണ് സ്പിരിറ്റ് പിടിച്ചെടുത്തത്. പരിശോധനയിൽ കണ്ണൂർ എക്സൈസ് സ്പെഷ്യൽ സ്ക്വാഡ് ടീം, നീലേശ്വരം, പയ്യന്നൂർ തളിപ്പറമ്പ്, ആലക്കോട്, പാപ്പിനിശ്ശേരി എക്സൈസ് റെയിഞ്ച് ഓഫീസുകളിലെ ഉദ്യോഗസ്ഥരും പങ്കെടുത്തു. കണ്ണൂർ ഡെപ്യൂട്ടി എക്സൈസ് കമ്മീഷണർ സതീഷ് കുമാർ സംഭവസ്ഥലത്തെത്തി ഉദ്യോഗസ്ഥർക്ക് ആവശ്യമായ മാർഗ്ഗനിർദ്ദേശങ്ങൾ നൽകി.

  കണ്ണൂർ : മഹാത്മ ചാരിറ്റബിൾ സെസൈറ്റിയുടെ മൊബൈൽ ഫ്രീസർ നാടിന് സമർപ്പിച്ചു. മാച്ചേരിയിലും പരിസര പ്രദേശങ്ങളിലും സാമൂഹിക ചാരിറ്റി പ്രവർത്തനങ്ങൾ കഴിഞ്ഞ 4 വർഷത്തിലധികമായി നടത്തിവരുന്ന മഹാത്മ ചാരിറ്റബിൾ സെസൈറ്റിയുടെ കെ.ശ്രീധരന്റെ സ്മരണയ്കായുള്ള മൊബൈൽ ഫ്രീസർ നാടിന് സമർപ്പിച്ചു. മാച്ചേരിയിൽ നടന്ന പരിപാടിയിൽ സെസൈറ്റി പ്രസിഡണ്ട് വി.ആർ സുധീർ അധ്യക്ഷത വഹിച്ചു. കാപ്പാട് ലൈവ് ചാരിറ്റബിൾ ട്രസ്റ്റ് പ്രസിഡണ്ട് ധനേഷ് ബാബു എം.കെ ഉദ്ഘാടനം ചെയ്തു. പുച്ചാലി പ്രകാശൻ , ടി.കെ രാജേഷ്, പ്രമീള, എ ജിയാസ് .പി , അഭിജിത്ത് കെ എന്നിവർ സംസാരിച്ചു. ശ്രീജിത്ത് കെ സ്വാഗതവും, ഡി.കെ സന്തോഷ് നന്ദിയും പറഞ്ഞു.

കണ്ണൂര്‍ കോര്‍പ്പറേഷനില്‍ മത്സരിക്കുന്ന യു.ഡി.എഫ് സ്ഥാനാര്‍ഥികളെ പ്രഖ്യാപിച്ചു.ആകെയുള്ള 56 ഡിവിഷനുകളില്‍ കോണ്‍ഗ്രസ് 38 സീറ്റിലും മുസ്ലിംലീഗ് 18 സീറ്റിലും മത്സരിക്കും.മുന്‍ ഡപ്യൂട്ടി മേയര്‍ പി ഇന്ദിര പയ്യാമ്പലത്തും യൂത്ത് കോണ്‍ഗ്രസ് മുന്‍ സംസ്ഥാന വൈസ് പ്രസിഡന്റ് റിജില്‍ മാക്കുറ്റി ആദികടലായി ഡിവിഷനിലും ജനവിധി തേടും. മഹിളാ കോണ്‍ഗ്രസ് ജില്ലാ പ്രസിഡന്റ് ശ്രീജ മഠത്തില്‍ മുണ്ടയാട് ഡിവിഷനില്‍ മത്സരിക്കും. മുന്‍സന്തോഷ് ട്രോഫി ഫുട്ബോള്‍ താരം എന്‍. അജിത്ത് താളിക്കാവ് ഡിവിഷനില്‍ മത്സരിക്കും. ജവഹര്‍ ബാലമഞ്ച് സംസ്ഥാന കോ ഓഡിനേറ്റര്‍ അഡ്വ. ലിഷാ ദീപക്ക് വനിതാ സംവരണ ഡിവിഷനായ തായത്തെരുവില്‍ ജനവിധി തേടും. കോണ്‍ഗ്രസ് മത്സരിക്കുന്ന ഡിവിഷനുകളും സ്ഥാനാര്‍ഥികളും പി. ദീപ - പള്ളിയാംമൂല (വനിത) , പി.അശോകന്‍ -കുന്നാവ് (ജനറല്‍ി. കെ. സി. ശ്രീജിത്ത് - കൊക്കേന്‍ പാറ (ജനറല്‍) 'പ്രീത വിനോദ് - പള്ളിക്കുന്ന് (വനിത ),അനൂപ് ബാലന്‍ - ഉദയം കുന്ന് (ജനറല്‍), രമേശന്‍ പാണ്ടന്‍ -പൊടിക്കുണ്ട് (ജനറല്‍), ഉഷാകുമാരി. കെ-കൊറ്റാളി (വനിത ), കെ. ശ്രീജ - അത്താഴക്കുന്ന് ( വനിത ), പനയന്‍ ഉഷ-തുളിച്ചേരി (എസ്. സി. ജനറല്‍) കെ. സുമ -വലിയനൂര്‍...

👤 അബൂബക്കർ പുറത്തീൽ, കണ്ണൂർ ഡെസ്ക് കണ്ണൂർ സിറ്റി: ദീനുൽ ഇസ്ലാം സഭ ഗേൾസ് ഹയർ സെക്കണ്ടറി സ്കൂൾ അലുംനിയായ 'ഓർമ്മത്തോപ്പ്' യാത്രയയപ്പും അനുമോദനവും നൽകി. റിട്ടയേഡായി പോകുന്ന സ്കൂൾ സ്റ്റാഫ് പി നജീബിന് സ്നേഹാദരവും എൽ എസ് എസ്, യു എസ് എസ് വിജയികളായ വിദ്യാർത്ഥികൾക്ക് അനുമോദനവും നൽകി. സ്കൂൾ ഹാളിൽ നടന്ന പരിപാടി കണ്ണൂർ കോർപ്പറേഷൻ മേയർ മുസ്ലിഹ് മഠത്തിൽ ഉദ്ഘാടനം നിർവ്വഹിച്ചു. പ്രസിഡണ്ട് സാബിറ ടീച്ചർ അധ്യക്ഷത വഹിച്ചു. പ്രിൻസിപ്പാൾ മെഹറൂഫ്, രക്ഷാധികാരി ഒ മുഹമ്മദ് അസ്ലം, വൈസ് പ്രസിഡണ്ട്മാരായ ഉമർ ഫാറൂഖ്, ജെ എം സമീറ, സിക്രട്ടറി എം സി അബ്ദുൽ ഖല്ലാക്ക്, സി ഷാഹിന ടീച്ചർ, കെ എം ആഷിഖ്, തുടങ്ങിയവർ സംസാരിച്ചു. ജനറൽ സിക്രട്ടറി ടി ഷറഫുദ്ദീൻ സ്വാഗതവും ട്രഷറർ കെ ഷഹീദ നന്ദിയും പറഞ്ഞു. പികെ അബുഷാം, പി ഷഹനാസ്, നഫ്സത്ത്, മുഹ്സിന ഫൈസൽ, സാബിറ ഹാരിസ്, സമീറ ടീച്ചർ, സഖലൂൻ തുടങ്ങിയവർ നേതൃത്വം നൽകി. •  ഉന്നത വിജയിളെ അനുമോദിച്ചു .  •  ഓർമ്മത്തോപ്പ് ഫെസ്റ്റ് 27 ന്.

കണ്ണൂർ: കെ.എം.സി.സി സ്ഥാപകാംഗവും, വിദ്യാഭ്യാസ–സാംസ്കാരിക രംഗങ്ങളിൽ അതുല്യമായ സംഭാവനകൾ നൽകിയ വ്യക്തിത്വവുമായ ഡോ. ടി.പി. അബ്ദുൽ ഖാദറിന്റെ ആത്മകഥ ‘പടവുകൾ’ നാളെ പ്രകാശിതമാകുന്നു. കണ്ണൂർ ക്ലിഫോർഡ് ഇൻ ഓഡിറ്റോറിയത്തിൽ വൈകിട്ട് മൂന്ന് മണിക്ക് നടക്കുന്ന ചടങ്ങിൽ പ്രശസ്ത കഥാകൃത്ത് ശിഹാബുദ്ധീൻ പൊയ്തുംകടവ്, പുസ്തകം കണ്ണൂർ മേയർ മുസ്ലിഹ് മടത്തിലിന് നൽകി പ്രകാശനം ചെയ്യും. ചടങ്ങിന് ജില്ലാ മുസ്ലിം ലീഗ് പ്രസിഡന്റ് അഡ്വ. കരീം ചേലേരി അദ്ധ്യക്ഷത വഹിക്കും. എഴുത്തുകാരൻ ഒ.എം. അബൂബക്കർ പുസ്തകം പരിചയപ്പെടുത്തും. സാംസ്കാരികവും സാമൂഹികവുമായ നിറങ്ങൾ ചേർന്ന ചടങ്ങിൽ ഇബ്രാഹിംകുട്ടി പൊക്ലി, കെ.പി. താഹിർ, അഡ്വ. അഹമ്മദ് മാണിയൂർ, സി. സുനിൽ കുമാർ, മൊയ്തു എം.വി., ടി.പി. സുലൈമാൻ, പി.പി. സുബൈർ മാസ്റ്റർ, എം.പി. മുഹമ്മദലി, ഇബ്രാഹീംകുട്ടി തിരുവട്ടൂർ, കെ.പി. അബ്ദുൽ റസാഖ്, സുരേഷ് ബാബു എളയാവൂർ ഷമീമ ഇസ്ലാഹിയ , സി. വൽസൻ, കെ. എം കൃഷ്ണകുമാർ മാസ്റ്റർ, ഷാനവാസ് ഇ.പി., ടി.പി. അബ്ബാസ് ഹാജി , സ പി വി അബ്ദുള്ള തുടങ്ങി നിരവധി പ്രമുഖർ പങ്കെടുക്കും. പുറത്തീൽ സ്വദേശിയായ ഡോ. ടി.പി. അബ്ദുൽ ഖാദർ 80-ലേറെ രാജ്യങ്ങൾ സന്ദർശിച്ച ഒരു അനുഭവസമ്പന്നൻ കൂടിയാണ...

തലശ്ശേരി: നിയമസഭാ സ്‌പീക്കർ അഡ്വ. എ എൻ ഷംസീറിൻ്റെ സഹോദരി എ.എൻ.ആമിന (42) അന്തരിച്ചു. മാടപീടികയിലെ പരേതരായ കോമത്ത് ഉസ്‌മാൻ്റെയും എ.എൻ സറീനയുടെയും മകളാണ്. ഭർത്താവ് എ.കെ നിഷാദ് (മസ്ക്കറ്റ്). മക്കൾ: ഫാത്തിമ നൗറിൻ, അഹമ്മദ് നിഷാദ്, സാറ എ. എൻ. ഷാഹിർ മറ്റൊരു സഹോദരനാണ്. ഖബറടക്കം നാളെ ഉച്ചയ്ക്ക് 12 മണിക്ക് വയലളം മസ്‌ജിദ് ഖബർസ്ഥാനിൽ.

വാരം : പുറത്തീൽ ഫൗസിയാസിൽ പരേതനായ ടി.എം കമാൽ ഹാജിയുടെയും മറിയത്തിന്റെയും മകൻ എൻ.പി ശറഫുദ്ധീൻ (52) നിര്യാതനായി. ഭാര്യ : ഖുർഷിദ (പാപ്പിനിശേരി ഹിദായത്തുൽ സ്കൂൾ ടീച്ചർ). മക്കൾ : ശാസ് കമാൽ, ശജാസ് ബിൻ ഷറഫ്. സഹോദരങ്ങൾ : അബ്ദുൽ സത്താർ, മുഹമ്മദ്‌ കമാൽ, മൂസാൻ കുട്ടി, അബ്ദുൽ റഹ്മാൻ, ശരീഫ്, ഇസ്മായിൽ, ഫൗസിയ.

  👤 അബൂബക്കർ പുറത്തീൽ, കണ്ണൂർ ഡെസ്ക് കണ്ണൂർ: കണ്ണൂർ സിറ്റി പോലീസിന് പുതുതായി അനുവദിച്ച അത്യാധുനിക മൊബൈൽ ഫോറൻസിക് വാൻ സിറ്റി പോലീസ് കമ്മീഷണർ നിധിൻ രാജ് പി, ഐ.പി.എസ് ഫ്ലാഗ് ഓഫ് ചെയ്തു. പോലീസ് വകുപ്പിന്റെ നവീകരണത്തിന്റെ ഭാഗമായി സംസ്ഥാനത്തെ 19 ജില്ല പോലീസുകൾക്കായി ഓരോ മൊബൈൽ ഫോറൻസിക് വാനുകളും അനുവദിച്ചതിന്റെ ഭാഗമായാണ് ഈ വാൻ കണ്ണൂർ സിറ്റി പോലീസിന് ലഭിച്ചത്. ഇതിലൂടെ ക്രൈം സീൻ പരിശോധനകൾ കൂടുതൽ നൂതനമായ രീതിയിലും സമയബന്ധിതമായും നടത്താൻ സാധിക്കും.ക്രൈം സീനിൽ നിന്നുള്ള രക്തം, ശുക്ലം, മുടിനാരുകൾ, മയക്കുമരുന്ന്, സ്ഫോടകവസ്തുക്കൾ, ഡിജിറ്റൽ തെളിവുകൾ, ബാലിസ്റ്റിക് പരിശോധനകൾ തുടങ്ങിയവ സ്ഥലത്തുതന്നെ കൂടുതൽ കാര്യക്ഷമമായി നടത്താനാകുമെന്ന് സിറ്റി പോലീസ് കമ്മീഷണർ നിധിൻ രാജ് പി, ഐ.പി.എസ് അറിയിച്ചു.വാഹനത്തിൽ ഇൻവെർട്ടർ, ജനറേറ്റർ, സിസിടിവി ക്യാമറകൾ, രാത്രികാലങ്ങളിലും പരിശോധന നടത്താനാകുന്ന കറങ്ങുന്ന ലൈറ്റുകൾ, സാമ്പിൾ ശേഖരിച്ച് സൂക്ഷിക്കാനാവുന്ന റഫ്രിജറേറ്റർ തുടങ്ങിയ സൗകര്യങ്ങളും ഉൾപ്പെടുത്തിയിട്ടുണ്ട്.ചടങ്ങിൽ അസിസ്റ്റന്റ് കമ്മീഷണർ ഓഫ് പോലീസ് (സ്പെഷ്യൽ ബ്രാഞ്ച്) ജോൺ എ. വി, അസിസ്റ്റന്റ് കമ്മീഷണർ ഓഫ് പോലീസ് (ജില...

ചെക്കികുളം : തണ്ടപ്പുറം - മാനാട്ട് കൈക്കനാൽ റോഡ് ഉദ്ഘാടനം ചെയ്തു. തണ്ടപ്പുറം - മാനാട്ട് കൈക്കനാൽ റോഡ് കുറ്റ്യാട്ടൂർ ഗ്രാമ പഞ്ചായത്ത് പ്രസിഡൻ്റ് പി.പി റെജി ഉദ്ഘാടനം ചെയ്തു. കുറ്റ്യാട്ടൂർ പഞ്ചായത്ത് വിഹിതമായി 2 ലക്ഷം രൂപയും ബ്ലോക്ക് വിഹിതമായി 8 ലക്ഷം രൂപയും ഉൾപ്പെടുത്തിയാണ് കോൺഗ്രീറ്റ് റോഡ് നിർമ്മിച്ചത്. ചടങ്ങിൽ ഇരിക്കൂർ ബ്ലോക്ക് പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ പി.കെ മുനീർ അധ്യക്ഷത വഹിച്ചു. വാർഡ് മെമ്പർ കെ.കെ.എം ബഷീർ മാസ്റ്റർ സ്വാഗതം പറഞ്ഞു. ഒ. ബാലകൃഷ്ണൻ മാസ്റ്റർ, കുറ്റ്യാട്ടൂർ ഗ്രാമ പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ പ്രസീത തുടങ്ങിയവർ സംസാരിച്ചു. വിദ്യാഭ്യാസ മന്ത്രിക്ക് നേരെ കണ്ണൂരിൽ കെ എസ് യു കരിങ്കൊടി.   കേരളം ലോകത്തിനെ അത്ഭുതപെടുത്തുന്നു : മമ്മൂട്ടി.  തളിപ്പറമ്പ് തീപിടുത്തം വ്യാപാരികൾക്കും തൊഴിലാളികൾക്കും അർഹമായ നഷ്ടപരിഹാരം നൽകണം : ടി ഒ മോഹനൻ .   

ദുബൈ : ദുബൈ അൽ അവീർ ഫാർമിൽ വെച്ച് ചേർന്നു. ഷാഫി പിപിയുടെ അധ്യക്ഷതയിൽ മൊയ്തു മഠത്തിൽ ഉദ്ഘാടനം ചെയ്തു. യു.കെ മുഹമ്മദ് കുഞ്ഞി, അഹമ്മദ് അബ്ദുൽ റസൂൽ, അഡ്വ. മുനാസ്, കെഎംസിസി നേതാകളായ മുസ്തഫ പി, രിസാൽ മഠത്തിൽ, മുഹമ്മദ്‌ അയാസ് തുടങ്ങിയവർ സംസാരിച്ചു. നമ്മുടെ നാട്ടിലെ ആദ്യത്തെ പൈലറ്റും നാടിന് അഭിമാനവുമായ കാപ്റ്റൻ മുഹമ്മദ് ഫറാസ് മൊയ്തുവിനെ ആദരിച്ചു.ശനിയാഴ്ച വൈകീട്ട് തുടങ്ങി ഞാറാഴ്ച രാവിലെ വരെ നീണ്ടുനിന്ന ക്യാമ്പിൽ പ്രവർത്തകർക്കുള്ള പഠനക്ലാസും വൈവിധ്യമാർന്ന പരിപാടികളും ആസ്വാദ്യകരമായ വിനോദങ്ങളും കൊണ്ട് നല്ലൊരു അനുഭവമാണ് പ്രവർത്തകർക്കു സമ്മാനിച്ചത്. വിവിധ എമിറേറ്റുകളിൽ നിന്ന് 60 ഓളം പ്രവർത്തകർ പങ്കെടുത്തു. ജനറൽ സെക്രട്ടറി സാബിക് പികെ സ്വാഗതവും, റിയാസ് പിപി നന്ദിയും പറഞ്ഞു.

കാസർഗോഡ്: ഉദുമ നിയോജക മണ്ഡലം എം എൽ എ ആസ്തി വികസന ഫണ്ട്‌ ഉപയോഗിച്ച് നിർമ്മിച്ച കുണ്ടംകുഴിയിലെ ബേഡകം ഗവണ്മെന്റ് ടർഫ് ഉദ്ഘാടനം സി എച്ച് കുഞ്ഞമ്പു എം എൽ എ നിർവഹിച്ചു. നാടിന്റെ വികസനം കേവലം റോഡുകളും പാലങ്ങളും മാത്രമല്ലെന്നും കായിക മേഖലയുടെ വികസനവും നാടിന്റെ വികസനത്തിൽ പ്രധാനമാണെന്ന് സി എച്ച് കുഞ്ഞമ്പു എംഎൽഎ. എം എൽ എയുടെ ആസ്തി വികസനഫണ്ടിൽ നിന്ന് 98 ലക്ഷം രൂപ ഉപയോഗിച്ച് ബേഡകം കുണ്ടകുഴിയിൽ നിർമിച്ച ടെർഫ് ഉദ്ഘാടനം ചെയ്ത് സംസാരിക്കുകയായിരുന്നു എം എൽ എ. ഒരു വർഷത്തെ എംഎൽഎയുടെ ആസ്തി വികസന ഫണ്ടിന്റെ 25 ശതമാനം ഉപയോഗിച്ചാണ് ടർഫ് നിർമിച്ചതെന്നും എല്ലാവർഷവും സോക്കർ പോലുള്ള കായിക മാമാങ്കങ്ങൾ നടത്തുന്ന പഞ്ചായത്തിന് ടർഫ് ഒരു മുതൽക്കൂട്ടവുമെന്നും എം എൽ എ പറഞ്ഞു. കുണ്ടംകുഴി സ്കൂളിന് സമീപം ബേഡഡുക്ക ഗ്രാമപഞ്ചായത്തിന്റെ അധീനതയിലുള്ള എട്ട് സെന്റ് സ്ഥലത്താണ് 45 മീറ്റർ നീളവും 30 മീറ്റർ വീതിയുമുള്ള പുതിയ ടർഫ് കോർട്ട് യഥാർഥ്യമായത്. ബേഡഡുക്ക, കുറ്റി ക്കോൽ പഞ്ചായത്തുകളിലുള്ളവർക്ക് ഫുടബോൾ, ക്രിക്കറ്റ്, ഹാൻഡ് ബോൾ പരിശീലനം നടത്താനും ടൂർണമെന്റുകൾ സംഘടിപ്പിക്കാനും ടർഫ് വഴിയൊരുക്കും. ഗ്രൗണ്ടിൻ്റെ തുടർപരിപാലന ചുമതല...

കണ്ണൂർ : കണ്ണൂരിൽ വിവിധ പരിപാടികളിൽ പങ്കെടുക്കാനെത്തിയ മുഖ്യമന്ത്രി പിണറായി വിജയന് നേരെ വൈകുന്നേരം 4 മണിക്ക് ഗസ്റ്റ്‌ ഹൗസിൽ നിന്നും ഇ.പി ജയരാജന്റെ ആത്മകഥ പ്രകാശനത്തിന് ഇറങ്ങുമ്പോൾ പ്രഭാത് ജംഗ്ഷനിൽ വെച്ചാണ് കെ.എസ്.യു സംസ്ഥാന ജന. സെക്രട്ടറി ഫർഹാൻ മുണ്ടേരിയുടെ നേതൃത്വത്തിൽ കരിങ്കൊടി കാണിച്ചത്. കരിങ്കൊടിയുമായി മുഖ്യമന്ത്രിയുടെ വാഹനവ്യൂഹത്തിന് നേരെ പാഞ്ഞടുത്ത ജില്ലാ വൈസ് പ്രസിഡന്റ്‌ ഹരികൃഷ്ണൻ പാളാട്, ജില്ലാ സെക്രട്ടറി സൂരജ് പരിയാരം, അർജുൻ ചാലാട്, പ്രകീർത്ത് മുണ്ടേരി തുടങ്ങിയവരെ പോലീസ് അറസ്റ്റ് ചെയ്ത് ടൗൺ സ്റ്റേഷനിലേക്ക് കൊണ്ടുപോയി. ആർ.എസ്.എസുമായി വീണ്ടും രഹസ്യബാന്ധവത്തിലേർപ്പെട്ട പിണറായി വിജയനെ കേരളത്തിലെ വിദ്യാഭ്യാസമേഖലയെ സംഘപരിവാറിന് തീരെഴുതിക്കൊടുക്കാൻ അനുവദിക്കില്ലെന്ന് ഫർഹാൻ മുണ്ടേരി അറിയിച്ചു.

പ്രദേശത്ത്‌ വികസനത്തിന്റെ വെളിച്ചം പരത്തുന്ന കേന്ദ്രമാണ് ഓരോ അങ്കണവാടിയുമെന്ന് ഉന്നത വിദ്യാഭ്യാസ, സാമൂഹിക നീതി വകുപ്പ് മന്ത്രി ഡോ. ആർ. ബിന്ദു. അരണാട്ടുകര ഡിവിഷനിലെ നിർമ്മാണം പൂർത്തീകരിച്ച അങ്കണവാടിയുടെയും കുടുംബശ്രീ ഓഫീസ് കെട്ടിടത്തിന്റെയും സമർപ്പണം ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.    സ്ത്രീകളുടെയും കുട്ടികളുടെയും ആരോഗ്യവും ക്ഷേമവും മുൻനിർത്തി പ്രവർത്തിക്കുന്നതിനോടൊപ്പം തദ്ദേശ സ്വയംഭരണ സ്ഥാപനങ്ങളുടെ വികസന പ്രവർത്തനങ്ങളുടെ ശിലാകേന്ദ്രമായി ഓരോ പ്രദേശത്തും അങ്കണവാടിടങ്ങൾ പ്രവർത്തിക്കുന്നുണ്ട്. മികച്ച അടിസ്ഥാന സൗകര്യം കൂടി അങ്കണവാടി കെട്ടിടങ്ങൾക്ക് വരുമ്പോൾ കുട്ടികളുടെ ആദ്യത്തെ സാമൂഹ്യവത്ക്കരണ പ്രവർത്തനത്തിലേക്ക് ആധുനിക സൗകര്യം കൂടി ഒരുക്കുകയാണ് എന്ന് മന്ത്രി പറഞ്ഞു.   ചടങ്ങിൽ മേയർ എം കെ വർഗീസ് അധ്യക്ഷത വഹിച്ചു. ഡെപ്യൂട്ടി മേയർ എം എൽ റോസി വിശിഷ്ടാതിഥിയായി.  ഡിവിഷൻ കൗൺസിലർ അനൂപ് ഡേവിസ് കാഡ, സ്റ്റാൻഡിങ് കമ്മിറ്റി ചെയർപേഴ്സൻ സാറമ്മ റോസൻ, ഐ സി ഡി എസ് സൂപ്പർവൈസർ സിബി നോബിൾ, കുടുംബശ്രീ സി.ഡി.എസ് സൂപ്പർവൈസർ ഗീത രാധാകൃഷ്ണൻ, അങ്കണവാടി ടീച്ചർ കെ. വി. ലീല, ...

  വിഷന്‍ 2031- കായിക വകുപ്പിന്റെ സംസ്ഥാനതല സെമിനാര്‍ കായിക മന്ത്രി വി.അബ്ദുറഹ്‌മാന്‍ ഉദ്ഘാടനം ചെയ്തു അര്‍ജന്റീന ഫുട്‌ബോള്‍ ടീം മാര്‍ച്ച് മാസത്തില്‍ കേരളത്തില്‍ എത്തുമെന്ന് കായിക മന്ത്രി വി. അബ്ദുറഹിമാന്‍. വിഷന്‍ 2031 ന്റെ ഭാഗമായി കായികവകുപ്പ് നടത്തിയ ' നാവകായിക കേരളം മികവിന്റെ പുതു ട്രാക്കില്‍ ' എന്ന സംസ്ഥാനതല സെമിനാര്‍ മലപ്പുറം റോസ് ലോഞ്ച് ഓഡിറ്റോറിയത്തിൽ ഉദ്ഘാടനം ചെയ്യുകയായിരുന്നു മന്ത്രി. ടീമിന്റെ വരവ് സംബന്ധിച്ച് കഴിഞ്ഞ ദിവസം ഇ-മെയില്‍ ലഭിച്ചിട്ടുണ്ട്. ഫിഫ അംഗീകൃത സ്റ്റേഡിയത്തിന്റെ അഭാവമാണ് നവംബറില്‍ അര്‍ജന്റീന ടീം കേരളത്തില്‍ എത്താതിരിക്കാന്‍ കാരണം. കായിക രംഗത്ത് വന്‍ കുതിച്ചു ചാട്ടമാണ് ഒന്‍പതു വര്‍ഷം കൊണ്ട് കേരളം സ്വന്തമാക്കിയത്. സ്റ്റേഡിയങ്ങളും കളിക്കളങ്ങളുമായി 385 നിര്‍മിതികളാണ് ഇക്കാലയളവില്‍ ഒരുക്കിയത്. എല്ലാ പഞ്ചായത്തിലും നിലവാരമുള്ള കളിക്കളങ്ങള്‍ നിര്‍മിക്കുന്ന പദ്ധതിക്ക് തുടക്കം കുറിക്കാന്‍ കഴിഞ്ഞിട്ടുണ്ട്. ഒന്ന് മുതല്‍ 10 വരെ പാഠ്യപദ്ധതിയില്‍ കായികം ഉള്‍പ്പെടുത്തിയ ആദ്യ സംസ്ഥാനമാണ് കേരളം. തദ്ദേശ സ്ഥാപനതല സ്‌പോര്‍ട്‌സ് കൗണ്‍സില്‍ രൂപീകരിച്ച ആദ്യ സംസ്ഥാനം, കായിക ഉച്ച...

👤 അബൂബക്കർ പുറത്തീൽ, കണ്ണൂർ ഡെസ്ക് കണ്ണൂർ: പി എം ശ്രീ പദ്ധതിയിൽ വിദ്യാഭ്യാസ മന്ത്രിയും സർക്കാരും ഒളിച്ച് കളിക്കുകയാണെന്ന് ആരോപിച്ച് കെ എസ് യു വിന്റെ നേതൃത്വത്തിൽ കണ്ണൂരിൽ വി ശിവൻകുട്ടിക്ക് നേരെ കരിങ്കൊടി പ്രതിഷേധം.മന്ത്രിയെ തടയാൻ ശ്രമിച്ച കെ എസ് യു പ്രവർത്തകരെ പോലീസ് ബലം പ്രയോഗിച്ച് അറസ്റ്റ് ചെയ്ത് നീക്കി.മുഖ്യമന്ത്രി ഉൾപ്പെടെ ജില്ലയിലുണ്ടായിരുന്ന പശ്ചാത്തലത്തിൽ കനത്ത പോലീസ് സുരക്ഷയെ മറികടന്നാണ് വിദ്യാഭ്യാസ മന്ത്രിക്ക് നേരെ കെ എസ് യു കരിങ്കൊടി കാട്ടി പ്രതിഷേധിച്ചത്. കെ എസ് യു ജില്ലാ പ്രസിഡന്റ്‌ എം സി അതുൽ, ജില്ലാ ട്രഷറർ അക്ഷയ് മാട്ടൂൽ, ജില്ലാ സെക്രട്ടറി മുബാസ് സി എച്ച്, യാസീൻ കല്യാശ്ശേരി എന്നിവർ നേതൃത്വം നൽകി.

  👤 അബൂബക്കർ പുറത്തീൽ, കണ്ണൂർ ഡെസ്ക് കണ്ണൂർസിറ്റി: കൗമാരത്തെ കാർന്നു തിന്നാൻ ലോകമാകെ പടർന്ന് പന്തലിക്കുന്ന മാരക ലഹരിയിൽ നിന്നും യുവത്വത്തെ രക്ഷിച്ച് ആരോഗ്യ ഭാവിയിലേക്ക് എത്തിക്കാനായി അധ്യാപകരും രക്ഷിതാക്കളും ഒറ്റക്കെട്ടായി പ്രവർത്തിക്കണമെന്നും വേദങ്ങളിലെ വാക്യങ്ങൾ തന്നെ അതിനായി ലഹരിക്കെതിരെ ആയുധമാക്കണമെന്നും മന്ത്രി രാമചന്ദ്രൻ കടന്നപ്പള്ളി. സോളിഡ് സിറ്റി സംഘടിപ്പിച്ച പന്ത്രണ്ടാമത് ഖുർആൻ ക്വിസ് മത്സരത്തിൻ്റെ 801 പേർക്കുള്ള സമ്മാനദാനം നടത്തി സംസാരിക്കുകയായിരുന്നു അദ്ദേഹം. ഗവ.സിറ്റി ഹയർ സെക്കണ്ടറി സ്കൂൾ അങ്കണത്തിലൊരുക്കിയ ബി വി അബ്ദുറഹ്മാൻ നഗറിൽ ട്രഷറർ ഹാരിസ് മഹമൂദിൻ്റെ അധ്യക്ഷതയിൽ നടന്ന പരിപാടിയിൽ കണ്ണൂർ കോർപ്പറേഷൻ മേയറും രക്ഷാധികാരി കൂടിയുമായ മുസ്ലിഹ് മഠത്തിൽ മൂവായിരത്തോളം പേർ പങ്കെടുത്ത ഖുർആൻ ക്വിസ് മത്സത്തിലെ ശരിയുത്തരമെഴുതിയ വിജയികളിലെ സമ്മാനാർഹരെ നറുക്കെടുപ്പിലൂടെ കണ്ടെത്തി പേരുകൾ പ്രഖ്യാപിച്ചു. മൂന്ന് സ്വർണ്ണ നാണയങ്ങളടക്കം നൂറിൽപരം വില കൂടിയ സമ്മാനങ്ങളും പ്രോത്സാഹന സമ്മാനങ്ങളുമടക്കം 801 വിജയികൾക്ക് സമ്മാനങ്ങൾ വിതരണം ചെയ്തു. ഖുർആൻ പണ്ഡിതൻ ബശീർ മൊഹ് യിദ്ദീൻ മുഖ്യ പ്രഭാഷണം നടത്...

കണ്ണൂർ: നഗരത്തിലെ വാഹന പാര്‍കിങിന് പരിഹാരമായി കണ്ണൂര്‍ മുനിസിപ്പല്‍ കോര്‍പ്പറേഷന്‍ നിര്‍മിച്ച മള്‍ട്ടി ലെവല്‍ കാര്‍ പാര്‍കിങ് കേന്ദ്രം ഉദ്ഘാടനം കെ.സുധാകരൻ എം.പി നിർവഹിച്ചു. ജവഹര്‍ സ്റ്റേഡിയം സ്വാതന്ത്ര്യ സ്മാരക സ്തൂപത്തിനു സമീപത്താണ് മള്‍ട്ടിലവല്‍ പാര്‍ക്കിങ് കേന്ദ്രം ഒരുക്കിയത്. ചടങ്ങിൽ മേയർ മുസ്ലിഹ് മഠത്തിൽ അദ്ധ്യക്ഷത വഹിച്ചു.നഗരത്തില്‍ വാഹനങ്ങള്‍ക്ക് ആവശ്യത്തിന് വാഹനം പാര്‍ക് ചെയ്യാന്‍ സ്ഥലമില്ലാത്ത പ്രശ്‌നം മള്‍ട്ടിലെവല്‍ പാര്‍കിങ് കേന്ദ്രത്തിലൂടെ ഒരു പരിധിവരെ പരിഹാരമായെന്ന് മേയര്‍ പറഞ്ഞു. വികസന പ്രവർത്തനങ്ങൾ എണ്ണിപ്പറഞ്ഞ് ജനങ്ങൾക്ക് മുന്നിൽ സധൈര്യം പോകുന്നതിന് ഈ ഭരണസമിതിക്ക് കഴിയുമെന്ന് മേയർ പറഞ്ഞു. ജവഹര്‍ സ്റ്റേഡിയത്തിനു സമീപം ആറു നിലകളിലായി നാലുയൂണിറ്റുകളാണ് പ്രവർത്തിക്കുക. ഓരോ നിലകളിലും 31വീതം കാറുകള്‍ പാര്‍ക്ക് ചെയ്യാം. കേന്ദ്രത്തില്‍ ഒരേസമയം 124 കാറുകള്‍ക്കും പാര്‍ക്ക് ചെയ്യാം. കരാര്‍ പുണെ ആസ്ഥാനമായ അഡി സോഫ്റ്റ് ടെക്‌നോളജി പ്രൈവറ്റ് ലിമിറ്റഡാണ് അമൃത് പദ്ധതിയില്‍ ഉള്‍പ്പെടുത്തിയുള്ള അതിനൂതന മള്‍ട്ടിലവല്‍ കാര്‍ പാര്‍ക്കിങ് കേന്ദ്രങ്ങള്‍ കരാറെടുത്ത് പൂര്‍ത്തിയാക്കിയത്. 12.4 കോ...

  കേരളവും അതിന്റെ സാമൂഹിക സംവിധാനങ്ങളും പലപ്പോഴും ലോകത്തെ അത്ഭുതപ്പെടുത്തിയിട്ടുണ്ടെന്ന് മലയാളത്തിന്റെ മഹാനടൻ മമ്മൂട്ടി പറഞ്ഞു. കേരളം അതിദാരിദ്ര്യമുക്ത സംസ്ഥാനത്തിന്റെ ഔദ്യോഗിക പ്രഖ്യാപന പരിപാടിയിൽ വിശിഷ്ടാതിഥിയായി പങ്കെടുത്ത് സംസാരിക്കുകയായിരുന്നു മമ്മൂട്ടി. ലോകത്തിലെ അതിസമ്പന്നമായ രാജ്യങ്ങൾ നേടിയതിന് സമാനമായ നേട്ടങ്ങൾ കേരളം സാമൂഹ്യ ജനാധിപത്യത്തിലൂടെയും, സ്വയംസമർപ്പിതമായ പ്രവർത്തനങ്ങളിലൂടെയും കൈവരിച്ചു. കേരളത്തെ അതിദാരിദ്ര്യത്തിൽ നിന്ന് മുക്തമായ സംസ്ഥാനമായി പ്രഖ്യാപിക്കുമ്പോൾ, അടുത്തതായി ദാരിദ്ര്യ മുക്തമായി മാറ്റുക എന്ന വലിയ ഉത്തരവാദിത്തം കൂടിയാണ് മുഖ്യമന്ത്രി ഏറ്റെടുക്കുന്നത്.കേരള സംസ്ഥാനം പലപ്പോഴും പ്രതിസന്ധികളെ കേരള ജനതയോട് ചേർന്നുനിന്ന് അതിജീവിച്ച ചരിത്രമുണ്ട്. വികസനത്തോടൊപ്പം പ്രാധാന്യം നൽകേണ്ടത് ദാരിദ്ര്യം മാറ്റുന്നതിനാണ്. വികസനം എന്നതുകൊണ്ട് വലിയ കെട്ടിടങ്ങളോ രാജപാതകളോ നിർമ്മിക്കുന്നതിനെ മാത്രമല്ല ഉദ്ദേശിക്കേണ്ടത്. സാമൂഹ്യ ജീവിതം മെച്ചപ്പെടണമെങ്കിൽ, ദാരിദ്ര്യം പരിപൂർണമായും തുടച്ചുമാറ്റപ്പെടണം. കേരളം പല കാര്യങ്ങളിലും ലോകത്തിന് മാതൃകയായിട്ടുണ്ട്. എത്ര കണ്ണഞ്ചിപ്പിക്കുന്ന വിക...

  കണ്ണൂർ താവക്കര ബസ് സ്റ്റാൻഡിൽ നടത്തിയ അനധികൃത നിർമ്മാണം പൊളിച്ച് നീക്കി നിർമ്മിച്ച നടപ്പാതയുടെ ഉദ്ഘാടനം മേയർ മുസ്ലിഹ് മഠത്തിൽ നിർവഹിച്ചു.പുതിയ ബസ്റ്റാൻ്റിൽ നിന്നും താവക്കര ഭാഗത്തേക്ക് എളുപ്പത്തിൽ എത്തിച്ചേരാവുന്ന വഴിയാണിത്. കെ.കെ. ബിൽഡേഴ്‌സിനെതിരെ കോർപ്പറേഷൻ കേസ് നടത്തിയാണ് അനധികൃത നിർമ്മാണം പൊളിച്ച് നീക്കിയത്. കോടതി വിധി ഉണ്ടായിട്ടും പൊളിച്ച് നീക്കാത്തതിൽ മേയറും വാർഡ് കൗൺസിലറും ഉൾപ്പെടെ രംഗത്തിറങ്ങിയാണ് പൊളിച്ച് നീക്കിയത്.നിലവിൽ ഓവ് ചാലിന് മുകളിലായി സ്ലാബ് പണിതിരുന്നു. എന്നാൽ നടപ്പാതയുമായി ബന്ധിപ്പിച്ചിരുന്നില്ല. കെട്ടിടം പൊളിച്ച ഉടനെ ഡിവിഷൻ കൗൺസിലറുടെ ഇടപെടലിലാണ് നടപ്പാത ഒരുങ്ങിയത്. പ്രദേശത്തുള്ള നൂറോളം കുടുംബങ്ങൾക്ക് ഏറെ അനുഗ്രഹമാണ് ഈ നടപ്പാത്ത . ചടങ്ങിൽ ഡെപ്യൂട്ടി മേയർ പി ഇന്ദിര, സ്ഥിരം സമിതി അദ്ധ്യക്ഷന്മാരായ വി.കെ ശ്രീലത, സയ്യിദ് സിയാദ് തങ്ങൾ, ഷാഹിന മൊയ്തീൻ , സുരേഷ്ബാബു എളയാവൂർ, ഡിവിഷൻ കൗൺസിലർ കെ.എം സാബിറ ടീച്ചർ, കൗൺസിലർ പി.വി കൃഷ്ണ കുമാർ എന്നിവർ പങ്കെടുത്തു.